aekanki's blog

તારા વિષે ?
એકલા તારા પર લખી શકાય ?!!!
મારા વિષે ?
ફક્ત મારું કઈ કહી શકાય ?!!!

આપણાં વિષે ?
હા, હવે આ યોગ્ય રીતે આલેખી શકાય

તું કહે છે…
તને હું ગમું છું
કદાચ એથી વધુ… ખૂબ ગમું છું
પ્રિય
હું તો આવું નહિ કહી શકું !!!
કારણ…
મને આ જગ માં બહુ બધું ગમે છે
કેટલુક ખૂબ ગમે છે
પણ તું…
આ ગમા ના ભાવ કરતા ખૂબ “ઉપર”

માન્યું, અંતર ના ભાવો ને
પરિભાષિત કરવાની કળા
મને સાર્થક નથી
પણ પ્રિય
આપણી વચ્ચે શબ્દ-સેતુ ની જરૂર ખરી ?
હા, વાત આપણી છે
આપણે જ મેહસૂસ કરવાની છે

આ કલમ ડાયરી માં મન ઠાલવે છે
કાગળ ના પાના
નામ વિના ના જ ભરાઈ જાય છે

પ્રેમ ક્યાં નામ નો મોહતાજ છે ?