some parting notes

ek rishta
ek rishta jo kuch anjaana sa tha
wo ajnabi kuch jaana pehchaana sa tha
 
kuch lamhe kuch yaadein de gaya
wo waqt kuch hosh uda dene jaisa tha
 
kisi nayi duniya mein le chali thi tu mujhko
jahan tujhse apna koi aur na tha
 
kuch is tarah se ghul gaye the ek doosre mein
tera saaya mera aur mera saaya tera tha
 
lipat gaye the kuch is tarah ek doosre se
jaise koi gila koi shikwa kabhi na tha
 
badli fiza kyunki mausam shaayad hamesha badalta hai
jaane kyun pyaar mein aisa kabhi hota hai
 
kuch toot gaya mujhme kahin
kuch chhoot gaya peechhe hai
 
kuch bikhar gaya mujhse gir ke
koi saathi bichhad gaya hai
 
ek rishta jo kabhi bahut haseen tha
ek rishta jo aaj toot gaya hai
 
khush rehna aye dost alvida
tera haath jo zauq se ab chhoot gaya hai
 
——-mujhse kaha ki tum jaate ho door koi farak nahin padta, bas paas tum mat aana
——-tumse zyaada apna koi hai lagta mujhe, jeevan mujhe sirf uske saath hai bitaana
 
——kuch raakh to zaroor hai jahan pyar ki lau chamakti thi kabhi
——bujha hua rishta hai ab shaayad, aadat to nahin par faasle zaroor banaana