Broadcasting my thoughts
Kyu Wafao ka mai Sila maangu.
Jo hai Apna usse kya Maangu.
Mai bhi pehchanta nahi khud ko,
Kisse Apna ataa-pataa Maangu.
Who agar hai to dhundhna kaisa,
Aasmaa se kyu Khuda maangu.
Ye Dilata hai Teri Yaad mujhe,
Kyu mai is dard ki Dawa Maangu.
Chah koi nahi rahi Makhmun,
Kuch na Maangu ,bas aur kya Maangu.- Unknown
Posted in Uncategorized.
– September 8, 2010
Uske dushman hai bohot , Aadmi achha hoga,
Woh bhi meri tarha sheher me tanha hoga.
Itna sach bolo ki hotho ka tabassum na bujhe,
Roshni kam na karo, Aage andhera hoga.
Pyaas jis nahar se takrai, woh Banjar nikli,
Jisko peeche chod aaye woh Dariya hoga.
Ek mehfil me kai mehfille hoti hai shareek,
Jisko bhi paas se dekhoge Akela hoga.
Mere bare me koi raye to hogi Uski,
Usne Mujhko bhi kabhi tod ke dekha hoga.
Posted in Religion.
– December 10, 2009
GUNAHGAAR
Patthhar ka meri *Samt to Aana zarur tha
Mai hi Gunahgaaro me ek Bekasur tha.
Sachhai Aag thehri to lab jal ke reh gaye,
*Haq goi per hume bhi kabhi kya garur tha,
Shabnam pehen ke Nikle the sholo ke kafile,
Dekhe *Tahe ' Libas ye kis ko* Shaur tha.
Baitha hua tha* sare- raahe- aarzu.
Ek Umra ki thakan se badan chur 'chur tha
Thehra hua hai ek hi *manzar Nigaah me.
Ik *Neem ' ba *daricha tha Sailabe *noor tha
Bankar zabaan bol raha tha Badan tamaam.
Samjhe Na hum to* Faham ka apna Kasoor tha.
Dekha kareeb se to woh* Mauje ' saraab thi
Jis *Aab ' zu ka charcha 'Basher' dur - dur tha.
Shayar ' Noor/ 'Bashar' Nawaz
Mayene* - Samt= Ore, Haqgoi=sach bolna, tahe-libaas=poshaak ke niche, Shaur=samajh, sare-rahe-aarzu=ichha rupi maarg, Manzar= drishya,
Neem-ba= aadha khula, daricha= khidki, noor- roshni, faham= budhhi,
Mauje-saraab= marichika ki leher, Aab-zu= nadi
Posted in Poetry.
– November 18, 2009
This is a forwaded massage on my mail from my friend…& wanted to share this with my friends here… so here it is…..
Aitbaar
Nazar-Nawaz Nazara badal na jaaye kahi,
Zara si baat hai muh se nikal na jaaye kahi.
Woh dekhte hai to lagta hai ki Neev hilti hai,
Mere Bayan ko Bandish nigal na jaaye kahi.
Yun Mujhko Khud pe bohot Aitbaar hai lekin,
Ye Barf Aanch ke Aagey Pighal na jaaye kahi.
Chale hawa to Kiwado ko Band kar lena,
Ye Garm Raakh Shararon me dhal na jaaye kahi.
Tamaam Raat tere Maiqade me pee hai,
Tamaam Umra Nashe me nikal na jaaye kahi.
Kabhi Machaan pe chadne ki Aarzoo Ubhari,
Kabhi ye Darr ke ye Seedhi fisal na jaaye kahi.
Ye Log Homo-Hawan me yakeen rakhte hai,
Chalo, yaha se Chale, Haath Jal na jaaye kahi.
Shayar- Dushyant Kumar
Mayene: nazar-nawaz=Ankho ko khushi dene wali cheez, bandish=manaahi,
Sharaaro=chingariya
Posted in NAZM.
– September 8, 2009
Mehboob
Baat Saaki ki na Taali Jayegi,
Tauba karke tod daali jayegi.
Aate-Aate Ayega Unko Khayal,
Jate-Jate Bekhayali Jayegi.
Besabab Apni Jigarkavi nahi,
Ishq ki Buniyaad Daali Jayegi
Aye Tamanna! Tujhko Ro lu Shaame-Vasl,
Aaj tu Dil se nikaali jaayegi
Fasle-Gul Aayi ,Junu Uchla 'Jaleel'
Ab Tabiyat Kya Sambhali jayegi
Shayar-Jaleel Manakpuri
Mayene- Jigarkavi= Chaati Peetna, Shame-vasl=Milan ki raat, Fasle-gul=Basant ritu,
Posted in NAZM.
– August 28, 2009
AISA MILA NA KOI!
JISKO GILA NA KOI, AISA MILA NA KOI!
TUJHSE MILE HAZARO, TUJHSA MILA NA KOI!
RAKHTE HAI DIL YE DIL MAGAR RAKHTE NAHI,
DIL ME HAZAR SHIKWE, ZAHIR GILA NA KOI!
LAPTO ME AAHO KI TO TAPTE HAI BESHUMAAR,
LIPTE PATANGE JAISA, AISA MILA NA KOI!
INAAYAT BHI YAHA SAZISH HAI EHSAAN JATANE KO,
JO KHUD KO BHUL JAYE, AISA MILA NA KOI!
PUCHO TO KHATA YAHI HAI, WAFA KO SAJDA KIYA,
ISKI SAZAA MILI HAI, ISKA SILA NA KOI!
KEHTE HAI SAAF KEHTE HAI, CHALO HUMNE MANA,
SACH KEHKE, SACH SUNE BHI, AISA MILA NA KOI!
KEHTE HAI MEHERBA KAHO KAISE HO 'MAJBOOR'
SAR PE AA BANI TO LAB HILA NA KOI
RAVINDRA KRISHNA 'MAJBOOR'
Posted in NAZM.
– August 4, 2009
Sila
Kaun Aayega yaha, Koi na aaya hoga,
Mera Darwaza Hawao ne hilaya hoga !
Dile Nadaan na dhadak, Aye Dile Nadaan na dhadak,
Koi Khat leke Padosi ke gar aaya hoga!
Is Gulistaan ki yahi Reet hai, aye Shaakhe-Gul,
Tune jis Phool ko pala wo Paraya hoga !
Dil ki Kismat hi me likkha tha Andhera shayad,
Warna Masjid ka diya kisne bujhaya hoga!
Gul se lipti hui Titli ko girakar dekho,
Aandhiyo! Tumne Darakhto ko giraya hoga !
Khelne ke liye Bachhe nikal aaye honge,
Chaand ab uski gali me utar aaya hoga!
Kaif Pardes me mat yaad karo Apna Makaan,
Abke Barish ne use Tod giraya hoga!
Shayar ~ KAIF BHOPALI
Posted in Poetry.
– July 13, 2009
Kal jab mai apni beti ke saath thi aur us par bada pyaar aa raha tha Jaane kaha se do bunde meri aankho me chali aayi aur who akeli nahi aayi meri Maaki yaado ko saath lekar aayi Upar waale ki dua se mere paas ab do maa hai ek who jisne mujhe janm diya aur dusri mujhe mere umra ke 25 ve saal me mili, meri Saasuma ke rup me khud maa banne ke baad ye ehsaas aur gehra ho gaya ki Maaye kitne thodi si cheezo me khush ho jaati hai bada dukh hota hai jab wo thoda sa bhi mai apne Maa ke liye nahi kar paati
Ye ek kavita jo mere dil ke kareeb hai aaj mann kar raha hai aapke saath baantu
" Jab bhi Kashti meri Sailaab me aa jati hai,
Maa dua karti hui mere Khwab me aa jati hai.
Ye kaisa karz hai jo mai adaa kar hi nahi sakta,
Mai jab ghar na lautu, meri maa sajde me rehti hai.
Aye Andhre dekh le, Muh tera kala ho gaya,
Maa ne aankhe khol di, Ghar me ujala ho gaya.
Abhi zinda hai Maa meri, Mujhe kuch bhi nahi hoga,
Mai ghar se jab nikalta hu, Dua bhi saath chalti hai.
Munavvar Maa ke aage yu kabhi khulkar nahi rona,
Jaha buniyaad ho, Itni nami achhi nahi hoti .
Posted in NAZM.
– June 13, 2009
Dear Nivy There are so many friends including me..need you here on this iland , on this land of friends We all need you ..
Abhi to saal bhar bhi nahi hua..itni jaldi mann uub gaya tumhara Dosti aise to nahi nibhayi jaati Ho sakta hai kuch gile shikwe ho tumhare par itna yaad rakhna waqt se bada marham koi nahi waqt saare zakhm bhar dega.. tum bas laut aao dekhna sab thik ho jayega Plsssss don't go
Shuruaat 2 famous lines se kar rahi hu .. baad me apni lines hai.. kachha- pakka jaisa bhi likha hai sirf tumhare liye hai (As I’m not a very good writer)
"Jo Wada kiya who Nibhana padega.. Roke Zamana chahe Roke Khudaai Tumko Aana padega" .
" Dard Jitna saha Jaye utna hi sehna,
Kisi ke Dil ko buri lage woh baat kabhi mat kehna,
Hum jaise dost milte hai zindagi me kabhi-kabhi
"Aaj jab tumne kaha ki Hum chalte hai
Tab ye ehsaas hua ke ki mai aur who alag hai,
Jab se mile the tum dil ke dhadakne ka ehsaas hua tha
Aur laga Ek anjaana sa dor Hume baandhe hai,"
( Fir Kyu is Pyaare Bandhan ko todkar jaana chahti ho…)
"Woh Ladna wo Jhagadna, whoRruthna who Manana,
Woh Gile woh Shikwe, woh Pyaar who Mohabbat ( Aur bhi na jaane kya kya )
Kaise bhula paoge , kaise dur reh paoge,
Dil ko ye ummeed hi nahi, yakhi bhi hai,
Meri sadaa tum thukra na paoge
Aur Bhula kar saare Shikwe -Gile
Tum laut ke zarur Aaoge"
Plss don'nt go
Yeh meri sachhe dil se chahti hu aur sachhi dil ki duaaye zarur kabool hogi
Posted in Friends.
– June 12, 2009
