Friends' Update
Loading ...Please wait.. 
ત્રિપદી:-
ચૂકવી છે અંગતતા ને ઉઘાડવા ની એવી કિંમત,
હ્રદયબંધ જ્યાં અમે તોડ્યાં,
થયું છિદ્ર નાનું પણ આખી દુનિયા પ્રવેશી ગઈ.
રચના:-મનીષા
ત્રિપદી:-
બની બાષ્પ વિખેરાયા,
થઈ ઝાંખળ સા આવ્યા સઘળા સંબંધો,
પોતાની રાહ સાથે લઈ આવ્યા સઘળા સંબંધો.
રચના:-મનીષા
જીંદગી તને પમવા અવિરત દોડ્યા કર્યું,
તેં મૃગજળ થઈ ને મને છળ્યા કર્યું.
તું રસ્તો લઈ ને દોડતી રહી,
તારા પગલાં ગોતવા બળ્યા કર્યું.
રચના:-મનીષા
છે મૃગજળ ના સંગત ની એવી અસર…
જળ પર ભરોસો કરી શકુ એટલો સમય દે.
પરાયા ચહેરાઓ મા ખૂદ ને ખોઇ બેઠા,
ખુદ ને પણ ઓળખી શકિએ એટલો સમય દે.
આંસુઓ તો પી ગયા ,
હસવા નું યાદ કરી લઈએ એટલો સમય દે.
રચના:-મનીષા
ત્રિપદી:-
શુ શબ્દ હવે ફૂટે?
નજરો માં હિમ છલકાયા છે.
થિજેલા સંબંધો ના અમે ગામ વસાવ્યા છે.
રચના:-મનીષા
ત્રિપદી:-
અંગતતા એ ઉઘાડ્યા ઘાવ,
બે અશ્રુ ની મળી સોગાત,
ઘાવ બન્યો દાહક એની ખારાશ થી.
રચના:-મનીષા
ધનવંતરી પણ કળી ના શકે એવું,
દરદ ભંડારી ને બેઠા છીએ.
કોઇ ની સડક ક્યાથી બનીએ?
ખુદ ની રાહ ભુલી ને બેઠા છીએ.
એક અશ્રુ નું કારણ ના પૂછો,
ભીતર પુરો દરિયો સમાવી ને બેઠા છીએ.
રચના:-મનીષા
તૂં નાહક ના મથ, પ્રિત શબ્દે સમજાય નહી,
એક આંસું માં ડૂબે એ, પણ દરિયે ભિંજાય નહીં.
તૂં નાહક ના મથ, પ્રિત ગ્રંથે સમજાય નહીં,
એક નજરે સમજાય એ, સો શબ્દે સમજાય નહીં.
તૂં નાહક ના મથ,પ્રિત નાતે બંધાય નહીં,
એક સ્મિતે બંધાય એ,ન પરાણે જકડાય એ.
તૂં નાહક ના મથ,પ્રિત વશ મા કરાય નહીં,
એતો પ્રિત થી બંધાઇ,એને પરવશ કરાય નહીં….
-રચના:-મનીષા
 More Options ...
Change Theme...
 |
Previous Entries
Categories
Tag Cloud
Blog RSS
Comments RSS
Last 50 Posts
Back
Void 
Life 
Earth 
Wind 
Water 
Fire