Jeevan mei mujhe…

 Dil-E-Azaad
Jeevan mei mujhe na kuch aur chahiye
Bus pyar tera pyar,tera pyar chahiye
Jeevan mei mujhe….

Doulat ki talab hai na shohrat ki tamanna
Mujhko teri baahon ka sirf haar chahiye
Jeevan mei mujhe….

Na koyal ki gunjan na saazon ki sargam
Kaano ko tere hoton ki jhankaar chahiye
Jeevn mei mujhe….

Kitni bhi baar lu main is duniya mei janam
Tera pyar ai sanam mujhe har baar chahiye
Jeevan mei mujhe….

Nazaron ki nahin khwahish mere nigahon ko
Hardumm inhe tumhari bus deedaar chahiye
Jeevan mei mujhe…

Tujhse shuru ho aur tujhpe hi ho khatam
Mere dil ko ek aisa sansaar chahiye
Jeevan mei mujhe na kuch aur chahiye
Bus pyar tera pyar,tera pyar chahiye………!