Dil-E-Azaad
Main chala to saathi banke saath mere gum chala
Poochha kyun to bola tujhsa pyara na dooja mila
Main chala to….
Zindagi ke is safar mei tanha tu hai meri tarah
Main to hun hi diljala lekin tu bhi hai diljala
Main chala to….
Yuhin dono saath milke batenge apni tanhayeeyan
Faaida kuch bhi nahin kismat se karke koyee gila
Main chala to….
Laakh jatann karle koyee jeevan ki is daud mei
Rokne se rukta nahin kismat ka jo hai silsila
Main chala to….
Jo bhi hai jaisa bhi hai yaad rakh dil-e-azaad
Tujhse hai mera aur mujhse hai tumhara kaafila
Main chala to saathi banke saath mere gum chala
Poochha kyun to bola tujhsa pyara na dooja mila…..!
Posted in Blogs.
By Mohammed Azaad
– October 26, 2009
Dil-E-Azaad
Maine dard se poochha tu cheez hai kya bataa
Bola main hun woh jisko samajhte hain log sazaa
Maine dard se poochha….
Socho agar is duniya mei hota nahin jo dard
Insaan ko khushiyon ka kaise chalta pataa
Maine dard se poochha…..
Koyee bhi aisa dil nahin jismei main nahin
Magar koyee hai keh deta koyee deta hai chhupaa
Maine dard se poochha…….
Kuch aise bhi hain duniya mei jo paake mujhe
Kosta hai koyee to koyee kata hai shukr adaa
Maine dard se poochha……
Mujhe yun to sab hai karte barrdaasht magar
Kar paata nahin jab ishq mei paata hai dagaa
Maine dard se poochha tu cheez hai kya bataa
Bola main hun woh jisko samajhte hain log sazaa……!
| |
| |
Posted in Blogs.
By Mohammed Azaad
– October 24, 2009
Dil-E-Azaad
Zindagi ke safar mei humsafar hum bann jayen
Tum mere dil aur hum tere dil mei bass jayen
Zindagi ke safar mei….
Jism se jaan ek din to ho jaate judaa hain
Magar hum ho judaa na aa rooh mei bass jayen
Zindagi ke safar mei….
Shahjahan pattharon se mahal pyar ka banaya
Phool ki patthiyon se ghar aa hum apna banayen
Zindagi ke safar mei….
Aasman ko khuda chaand taaron se hai sajaya
Apne gharr ko hum apne armaano se sajayen
Zindagi ke safar mei….
Zindagi teri meri ye to kaafir ki tarah hai
Pyar ko apnake apne hum khuda ko apnayen
Zindagi ke safar mei…..
Duniya kehti hai ke pyar hi to khuda hai
To khuda ko apnane se hum kyun gharbrayen
Zindagi ke safar mei humsafar hum bann jayen
Tum mere dil aur hum tere dil mei bass jayen…….!
Posted in Blogs.
By Mohammed Azaad
– October 22, 2009
Dil-E-Azaad
Haathon se haath yun chhudakar na jaao
Aao kareeb aao thoda aur kareeb aao
Haathon se haath…..
Is bedaag chaand se abhi dil bhara nahin
Nazron ke saamne se chehra na hataao
Haathon se haath…..
Tadap hai kabse rahi khali ye meri bahein
Apni hayaa ko meri dushman na banaao
Haathon se haath…..
Aalam bekhudi ka badti hai badne do
Aankhon se jaam-e-ishq pilati hi jaao
Haathon se haath…..
Pyasa zameen hun main jiska tu aasman hai
Pyase zameen pe rimjhim pyar ko barsaao
Haathon se haath yun chhudakar na jaao
Aao kareeb aao thoda aur kareeb aao………..!
Posted in Blogs.
By Mohammed Azaad
– October 20, 2009
Dil-E-Azaad
Zindagi ke dard hai jiska waqt ilaaz hai
Waqt sang samjhauta karle jeene ka yahi raaz hai
Zindagi ek dard hai…..
Baat maano ya na maano par haqeeqat hai yahi
Saath jiske waqt hai uske hi sarr pe taaj hai
Zindagi ek dard hai…..
Socho to nadaan kamm hote nahin insaan bhi
Kal ki parvaah karke kho deta apna aaj hai
Zindagi ek dard hai…..
Zindagi ki raah mei phoolon ki sirf ummeed na kar
Kaanton ka milna bhi jeevan ka hi ek andaaz hai
Zindagi ke dard hai……..
Aandhiyon ke darr se tu rukna kabhi na ai azaad
Jo buland karta hai khud ko karta rab uspe naaz hai
Zindagi ke dard hai jiska waqt ilaaz hai
Waqt sang samjhauta karle jeene ka yahi raaz hai………!
Posted in Blogs.
By Mohammed Azaad
– October 20, 2009
