Kuch log jamaane me, aise bhi hai hote,
Jo bahar se hansate hai,par andar se rote.
Kuch kar kar k mehanat,patthro pe bhi so jate ,
Kuch narm bichauno par,n jagate na sote.
Kuch logo ke pag se,kanto ko hai nikalate,
kuch raho me kante,din rat hi hai bote.
Kuch ban karke maraham, jakhmo ko sahalate,
Kuch jakhmo ke andar,khanjar ko hai chubhote.
Kuch jaan gava karke,bhavaro se hai bachate,
kuch ban mallah khudi,kashti ko hai dubote.
kuch gahri paith bana,pa lete hai moti,
kuch baith kinaare par,moti ko dubote hai.
Kuch log jamaane me,aise bhi hai hote,
jo bahar se hanste,par andar se hai rote.
<<<<<<<<<<<<<<<<>>>>>>>>>>>>>>>>>>>>>>>>>>>>
KUCH LOG JAMAANE ME
Posted in CHAHAT on 01/18/2010 03:15 pm by Radha Saxena
TUMHARE HATHO ME
Posted in TUMHARE HATHO ME on 12/29/2009 09:43 am by Radha Saxena
TUMHARE HATHO ME
Ab saup diya is jeevan kaa,
sb bhar tumhare haatho me.
hai jeet tumhare hatho me,
hai haar tumhare hatho me.
mera nishchay hai ek yahi,
ik bar tumhe pa jau mai.
arpan kar du jagati bhar kaa,
sb pyar tumhare hatho me.
ya to mai jag se dur rahu,
ya jag me rahu to aise rahu.
is par tumhare hatho me,
us par tumhare hatho.
yadi maanush hi mujhe janma mile,
to tav charano ki pujari rahu.
mujh pujak ki is is rag kaa ,
ho taar tumhare hatho me.
jab jab sansaar ka bandi ban,
darbaar me tere aau mai.
tb ho mere papo ka nirnay,
sarakaar tumhare hatho me.
mujhme tujhme hai bhed yahi,
mai nar hu tu narayan hai.
mai hu sansar ke hatho me,
sansar tumhare hatho me.
>>>>>>>>>>>>><<<<<<<<<<<<<<<<<<<<<<<<
CHAHAT
Posted in CHAHAT on 12/22/2009 06:04 am by Radha Saxena
C H A H T
yah sham surmai si,
teri yad ban ke aai.
ek dard ki lahar si,
jaise hook ban ke chaai.
teri chahato ki khushbu se,
mahaka hai dil ka kona.
teri aarju me yu hi,
bas aankha ka nam hona.
teri justju hai aisi jo,
tadap see ban ke aai.
teri yad me mujh par,
deevanagi see chai
mai dhudhti hu tujhko,
pagal see is jaha me.
jane kaha hai ab tu,
bs darde inteha hai.
TUM
Posted in Uncategorized on 12/18/2009 10:04 am by Radha SaxenaTum na jaane kis jaha me kho gaye.
ham bhari duniya me tanha ho gaye.