Broadcasting my thoughts
Maine is taur se chaha tujhe aksar jana,
Jaise mahtaab ko beant samandar chahe,
Jaise suraj ki pehli kiran ko, surajmukhi tarse,
Jaise barish ki pehli bund seep ke dil me utre,
Jaisee ki pyaar bhari ik najar, pyaar ke liye tarse,
Mera har khwab mere such ki duhai dega,
Maine is taur se chaha tujhe aksar jana.
JYOTI
Posted in Love.
– December 15, 2009
Jane kis - kis ka khayaal aaya hai,
Is samandar me ubaal aaya hai.
Ek bachcha tha hawa ka jhokha,
Saaf pani ko khangal aaya hai.
Ek dhela to wahi atka tha,
Ek tu aur uchal aaya hai.
Kal to nikla tha bahut saj - dhaj ke,
Aaj lauta to nidhal aaya hai.
Ye nazar hai ki koi mausam hai,
Ye saba hai ki bawal aaya hai.
Is andhere me diya rakhna tha,
Tu andhere me baal aaya hai.
JYOTI
Posted in Philosophy.
– October 30, 2009
1. Ye sach hai ki paanvo ne bahut kasht uthaye,
Par paanv kisi tarah se raahon pe to aaye.
2. Haantho me angaaro ko liye soch raha tha,
Koi mujhe angaaron ki taaser to batae.
3. Jaise kisi bachche ko khiloney na mile ho,
Firta hu kai yaadon ko seene se lagae.
4. Chattano se paanvo ko bachakar nahi chalte,
Samhe hue paanvo se lipat jate hai saye.
5. Yo pahle bhi apna sa yahan kuch bhi nahi tha,
Ab aur nazare bhi hame lagte hai paraye.
JYOTI
Posted in Philosophy.
– October 30, 2009
FOR YOU
Maut ne to dhar dabocha ek cheetey ki tarah,
Zindagi ne jab chua FASALA rakh kar chua.
Kya wajah hai pyaas jyada tez lagti hai yahan,
Log kahtey hai ki pahle is jagah par tha kuan.
Aap dastane pahan kar chu rahe hai AAG ko,
Aapke bhi khoon ka rang ho gaya hai SAWALAN.
Is angithi tak gali se kuch hawa aane to do,
Jab tak khiltey nahi, ye koyale denge dhuan.
Dost, apne mulk ki kismat pe RANZIDA na ho,
Unke haanthon me hai PINZRA, unke pinzre me sua.
Is sahar me wo koi barat ho ya wardaat,
Ab kisi bhi baat par khulti nahi hai khidkiyan.
Its for you.
JYOTI
Posted in Philosophy.
– October 29, 2009
Aane Wala Waqt
Ek kabootar chitthi le kar pahli - pahli baar uda,
Mausam ek gulel liya tha, pat se neeche aan gira.
Banzar dharti, Jhulase paudhe, Bikhare kaantey, Tez hawa,
Hamne ghar baithe - baithe hi sara manzar dekh liya.
Chattaon pe khada hua to chap rah gai paaon ki,
Socho kitna bojh uthakar mai in raahon se gujra.
Sahane ko ho gaya ikattha sara dukh man me,
Kahne ko ho gaya ki dekho MAI ab tumko bhool gaya.
Dheere - dheere bhig rahi hai sari inte pani me,
Inko kya maloom ki aage chalkar INKA kya hoga.
JYOTI
Posted in Philosophy.
– October 26, 2009
Kuch Naya Sa…………….
1. Nazar - Nawaj, Nazara badal na jaye kahin,
Jara si baat hai munh se nikal na jaye kahin.
2. Wo dekhante hai to lagta hai ki Neev hilti hai,
Mere bayan ko bandish nigal na jaye kahin.
3. Yon to mujhko khud pe bahut aitbaar hai lekin,
Ye “BARF“ “AANCH” ke aage pighal na jaye kahin.
4. Chale hawa to kiwadon ko band kar lena,
Ye garm RAKH SHARARON me dhal na jaye kahin.
5. Tamam raat tere MAYKADE me MAY pee hai,
Tamam UMAR nashe me nikal na jaye kahin.
6. Kabhi MACHAN pe chadane ki aarzoo ubhari,
Kabhi ye dar ki seedhi fisal na jaye kahin.
7. Ye log homo - hawan me yakeen rakhate hai,
Chalo yahan se chale, Ke haanth jal na jaye kahin.
JYOTI
Posted in Love.
– October 26, 2009
BAS U HI……………..
Hamne mana zindagi khawab hai, Hansi khawab hi sahi,
Miltey hai tumse roj hi ham, Chahe khawab me sahi.
Hamne to tumko sab kuch mana, Tum mano na sahi,
Hamne to de diya DIL, Tumne diya intzaar hi sahi,
Aaj tumhe hampe nahi aitbaar, Koi baat nahi,
Manoge hamko hamare baad, Chalo ye hi sahi,
Hamne to kar diya izhr - e - ishq tere samne,
Ab talak hai mujhe tere jawab ka intjaar hi sahi,
Chahat nahi hai mujhse, Chalo maan liya sahi,
Kabhi to hogi ulfat mujhse, mujhe gaflat hi sahi,
Hamko hai ab talak aarjo - e - didar yaar teri,
Jante hai tum na aaoge, Par intzaar sahi,
par intzaar sahi.
Jyoti
Posted in Love.
– October 22, 2009
Janam Aur Mirtyu
Chahe barse JETH angaare,
ya patjhad har phool utare,
gar hawa me pyaar ghula hai,
har mausam sukh ka mausam hai.
Jiske paas shabad hai jitne,
utna usse ARTH dur hai,
par ghughat ka nahi roop to,
AATMA ka jalta kapoor hai,
Duniya kya hai, ek waham hai,
Shabnam me moti hone ka,
aur bindgani hai jaise,
peetal par pani sone ka.
Par Pyaar hai gar saath safar me,
to sach hai is MIRTYUNAGAR me,
Shaam - Subah ki ek kasam hai,
MIRTYU manushya ka naya JANAM hai.
Jyoti
Posted in Philosophy.
– October 22, 2009
Sorry Friends
I was too busy from last few days, so I can't write anything
But now I m back,
RAAJE ULFAT NIBAHTA KAUN HAI,
DIL SE KISI KO BHULATA KAUN HAI,
MAJBURIYAN JUDA KAR DETI HAI APNO SE,
WARNA KHUSHIYON SE DAMAN CHUDATA KAUN HAI?
JYOTI
Posted in Personal.
– October 12, 2009
