December 21, 2011
By: Lata R. Ojha
Category: expression only
Ban ke mera khwaab sunahraa,
in aankhon mein tum rahna..
Jab ji chaahe muskaana,
kah lena jo ho kahna..
Mere ghumm mein ban aansoo,
ji chaahe aankhon se bahna..
Ya khushiyon ka roop banaa ke ,
hothon pe khilte rahna..
Mushkil mein himmat dena ,
meri aas sadaa ban ke rahna ..
Priy ho mujhe tumko bhi pataa hai ,
par aur kisi se na kahna ..
Ban ke mera khwaab sunahraa,
in aankhon mein tum rahna ..
Comment (1)
October 02, 2011
By: Lata R. Ojha
Category: just a thought...
zindagi ka arth jisey mil jaega..
wo zindagi mein khud b khud dhal jaega ..
le ke aaye kya zamee pe jo daren..
hum chaley jaenge sab rah jaega..
Comment (1)
April 21, 2011
By: Lata R. Ojha
Category: expression only
Karna rukhsat mujhe to yoon karna..
Mere shabdon ko saath kar dena..
Mere swapnon ko haar kar dena..
Geet jo sang sang gaaye the..
Bol kaanon mein sab sajaa dena..
Rang sab preet ke rang kar hi ..
mujhe mera kafan odha dena..
Itr un mahake hue lamhon ka..
Phool har kahkahey ko kar dena..
Zindagi ka tamaam soonapan..
Hatheliyon pe meri rang dena..
Aankhon mein ashk nahi,bharna khwaab ..
Karna rukhsat mujhe to yoon karna..
Comments (5)
April 09, 2011
By: Lata R. Ojha
Category: LETS TALK
Dear friends,
Sabhi mujhe shikaayat karte aur kahte ki wo meri posts pe comment karte hain hamesha lekin ya to main approve nahi karti ya kisi error se appear nahi ho rahey. Main bhi dhoondhti thi kya kaaran hai ? Bahut prayaas ke baad bhi jab nahi milte the friends ke diye hue comments to main dilaasa de kar rah jaati thi ki shaayad ye format change hone se hua..ya friends alag alag sites pe chale gaye isliye . Bas..wajah dhoondh leti thi.
Ek baar spam pe bhi check kia kintu wahaan ajeeb se kuchh message dekh aage dekhne ka saahas nahi hua.
Aaj……………….
Aaj jaane kyon phir se spam ko dekhne aa hi gayi ..aur..kitne saare puraane rediff ke doston kuchh, naye mitron ke comments dekh kar mann jhoom utha khushi se :))))))))))
Aap sabhi se maafi maangti hoon is laaparvaahi ke liye aur apni agyaanta ke liye bhi . Aap sabhi ka bahut bahut dhanyavaad ki aap aaj bhi saath hain..yoonhi hamesha saath dete rahiyega .:)
Shukria doston :))))))))))))))))))))))
Comments (4)
February 24, 2011
By: Lata R. Ojha
Category: ek khayaal
JAANE KYON JHAKJHOR JAATA HAI SATYA KA CHEHRAA..
SATYA KO RACHTE TO AAKHIR HUM HI HAIN..!
KARM KARKE BHI UNSE BACHTE HAIN FIRTE..
JHOONTH KI CHAADAR SE SACH KO DHANKTE TO HUM HI HAIN !
VISHAILE KAANTE BOTE HAIN RAAHON MEIN LEKIN..
BHOOL JAATE HAIN KI ZAKHM KE KAABIL TO HUM HI HAIN!
ASHKON KO MUSKAAN KA JAAMA,MUSKAAN KO ASHKON KA RANG..
CHOLE BADAL TO DETE HAIN LEKIN UN CHOLON MEIN TO HUM HI HAIN!
Comments (5)
January 04, 2011
By: Lata R. Ojha
Category: ek khayaal
Kahti hoon bahut kuch..
Sunti hoon bahut kuch ..
Lekin phir bhi kuch ansuna sa rah jaata hai..
Bahut baar sunanaa chaahti hoon wo ansuna ..Kahnaa chaahti hoon jo tha ankahaa..
Lekin..rah hi jaata hai..kabhi aise hi kuch..
Tumne bhi to sunaa hoga..mann hi mann kuch guna hoga..
Lekin..kitna kuch dabaa hi rah jaata hai..
Apni jaane kitni hi baatein,tere saath jiye din aur Raatein,sanjoye baithi hoon..
Lekin..jee lete hain ant aa jaata hai,rah jaata hai..
Kuch..
Comments (5)
October 17, 2010
By: Lata R. Ojha
Category: expression only
Zindagi mein haadse ,naa jaane kitne hue..
Kuch mein to mar gaye,kuch…bas jeete gaye..
Jaane kab kis mod pe thahregi ye kash ma kash..
Kabhi khud se..dunia se kabhi..bas..ladte gaye..
Hai tadap kya ? Kyon sisakti aahatein hain ..?
Dhoondhte the ..Dhoondhte hain aur bas
dhoondhte gaye…
Hai gadit jeewan mein sabke ..haar ka - jeet ka..
Hum ulajhte jaal mein,kabhi jod ke kabhi bhaag
ke ,ghirte gaye ..
Shoonya ko tha todna..us shoonya ko bharna
bhi tha..
Shoonya ke hi soonepan mein ,zindagi khote
gaye..
Kya hai aaj? kya hai aaj..kuchh bhi nahi ..haath
reete aankhein reetin….
Reeton ko nibhaate , jeete ,mann ki jholi reeti
karte gaye…
Bas chalte gaye….bas chalte gaye..
Comments (8)
July 30, 2010
By: Lata R. Ojha
Category: just a thought...
main bheeg ke baarish mein..har boond sanjo loon..
ek boond ban ke main bhi,ek boond si ji loon..
muskaan kisi hoth ki ban jaun kahin par ..
ya phir barasti aankhon ki nami ko chhupa loon..
kisi chaanv ke badhane mein ban jaun sahaara..
ya sookhte kanthon ko tar kar ke khushi doon..
pyaasi dharaa se sondhi khushbu si udoon main..
ya pihu sun papihe ki kaali ghataa banoon..
ji karta hai main jhoomti barkha ritu banoon..
ek boond ban ke main bhi ek boond si ji loon..
Comments (12)
May 22, 2010
By: Lata R. Ojha
Category: KUCHH YOONHI..
Yoonhi chupchaap kisi mod pe mud jaenge ..
Ye bure daur jo aaye hain guzar jaenge..
Nishaan jo rah gaye thode se baaki unke..
Wo bhi kuch waqt mein ud jaenge….
Na ruko raah mein kuch duur hi hai manzil baaki..
Ruk gaye to yoonhi tanhai mein murjhaoge..
Chalte jao wahaan tak zindagi sajati hai jahaan..
Baag mein phool ki tarah khil ke khilkhilaoge..
Ashk bas chaar ghadi saath de ruk jaenge..
Honth bhi muskuraa ke thak jaenge..
Sukoon mann ka milega to na bisrega kabhi..
Khush rahoge to bas khushiyaan hi phailaoge..
-lata
Comments (12)
April 19, 2010
By: Lata R. Ojha
Category: Information
Comments (9)
