checkmate’s blog

                  (:SHUBHPRABHAAT

“YOU CANNOT SHAKE HANDS WITH A CLENCHED FIST.”

                                                                                 -Indira Gandhi

Take care and keep smiling till i come back to share more smiles

Dear friends..

Since last few days I was thinking about taking a break..

Today finally..

I am here to wish you all before going away..Time for me to take a break..

Will surely come back..thats a promise.Hope you all will remember me..

Wish you all ..lots of happiness and smiles

Take care and just enjoy life

-bye

Baadal ban ke udati jaun..

Ya nadiyon ke saath bahun..                                       

Le weg pawan ka toofaan banun..      

Ya saagar mein kho jaun..                        

Ban sugandh phoolon mein basun..

Ya boond oas ki ban ke sajun..

Ban soorya kiran chamkaun gagan..

Ya chaandani ban ithlaati firun..

Sundarta.kuchh sammohak ban..

Har pal tere saath rahun…O ..PRAKRITI

Main..banun..

Teri..  Parchhain..

(:SHUBH PRABHAAT

“If we build on a sure foundation in friendship,

we must love our friends for their own sakes rather than our own.”

-Charlotte Bronte

Have A Nice Day….

Kuchh swapn dekhti rahti hoon..aur mann hi mann muskaati hoon..

Wo swapn anokha hai mera…par dekh ke khush ho jaati hoon..

Saagar ki lehron sa aaye..kuchh meethi muskaane laaye..

Jaise lehren waapas lauten…khaarey aansoo wo le jaaye..

Kuchh pal hi sahi meri duniya..mere sang ,satrangi ho jaaye..

Jyon indradhanush aakaash sajey..yoon mera mann bhi khil jaaye…

Swapnon ki duniya kshan bhar ki…bas aankh khuli ki kho jaaye..

Ye mann vyakul phir raah takey..ki kab swapnon mein kho paaye..

(:SHUBH PRABHAAT:)

You see things ; and you say, “Why?”

But I dream things that never were ; and I say , “Why not ?”

-George Bernard Shaw

Have A Beautiful Day…

                                COMMENTS…

Jab maine pehli baar is iland mein kuchh likha tha,to sabki pratikriyaon ka besabri se intezaar rahta tha aur behad khushi hoti thi.Tab sochati thi ,shuruat hai,isliye itna utsaah rahta hai ,apni rachnaon pe sabke vichaar jaanane ka. Par..main galat thi Aaj bhi wohi utsukta rahati hai ki sab meri bhaavabhiyakti ko kis prakaar lete hain..

Kabhi -kabhi kuchh log uphaas bhi karte hain aur kisi ki baat peeda bhi deti hai,lekin adhikaansh log bahut hi apnatva se mujhe meri khoobiyon aur khaamiyon se avgat karaate hain..Achchha lagta hai.Jaise ek parivaar mein sab ek doosre ko aage badhane ko prerit karte hain,sujhaav dete hain,tareef karte hain,dukh mein sambal dete hain,sukh mein saath haste hain,waisa hi yahaan bhi to hai..Haan hum kabhi kabhi thodi si bahas bhi karte hain . Aur in sab bhaavon ka aadaan-pradaan hota hai Guest Book mein ya Comments se.

Agar main kahati hoon ki mujhe sirf likhane se matlab hai to ye saraasar jhoonth hi hoga,kyonki sab hi chaahte hain apni rachnaon par alag alag drishtikon ko jaanana.

Aisa nahi ki comments sirf aaj ke hi liye upyukt hote hain aur baad mein unki mahatta kam ho jaati hai.Nahi..Aisa bilkul bhi nahi hai..Main aaj bhi jab apni puraani posts padhati hoon to unpe miley comments har baar is baat ka ehsaas karwaate hain ki zindagi mein friends ki bhoomika kitani mahatvapoorn hoti hai.

Aaj main apne sabhi puraane - naye doston ko dhanyavaad kahna chaahti hoon aur saath hi sorry bhi kahna chaahti hoon, sabhi ki rachnaon ko har baar na padh paane ke liye..par sach..prayaas zaroor karti hoon

Asha karti hoon aap sab hamesha mujhe meri rachnaon ki achchhaiyon aur buraiyon se yoonhi parichit karwaate rahenge, aap sabka saath sadaiv milega

Deepawali par har ek ko meri shubhkaamnaen..

SUBH DEEPAWALI

Comments zaroor dijiyega

.  

(:SHUBH DEEPAWALI

    Shubh  Aur Mangalmaya Ho.. ..

Dwaar Sajey Rangoli….

Khushiyon Ke Deep Jalein…

Maa Laxmi Aur Ganpati Ka Aashirvaad….

Sadaa Hi Aap Sab Par Barse…

Sukh-Jyoti Sadaa Jeewan Mein Jagey…

Prem Badhey,Sadbhaav Badhey..

Apnatva Ki Sadaa Mithaas Rahey….

Har Raat Ke Baad Sawera Hai…

Mann Mein Ye Umang Aur Aas Rahey…

“AAP SABHI KO DEEPAWALI  PAR MERI SHUBHKAAMNAEN..

SUKH AUR SAMRIDDHI LAAYE YE PARV..

AAPKI  DEEPAWALI SURAKSHIT  AUR SUKHDAAYAK HO..”

(:SHUBH DEEPAWALI

[aap mein se bahut se log parv manaane apne ghar ja rahey hain,aaj shubhkaamnaen preshit karne ka mukhya uddeshya tha  'is parivaar' ke sabhi sadasyon ko badhai dena]

          (:Shubh Prabhaat

“LIFE IS SHORT AND ITS UP TO YOU TO MAKE IT SWEET.”

                          -SADIE DELANY 

HAVE A FABULOUS DAY…..

(:SHUBH PRABHAAT:)

There is no result in nature without a cause.

Understand the cause and you will have no need to experiment.

-Leonardo Da Vinci