checkmate’s blog

       (:SHUBH PRABHAAT

Mann sthir  ho..

Nishchay dran ho..

Jeewan path pe ..

Sadaa vijay ho..

AAPKA DIN MANGALMAYA HO…..

                    POLAMMAA   [concluding part ]

“Kahaan rah gaye the Hari?” maine behad rookhe swar mein poochha..Hari bas meri taraf dekhte hue jaane kya soch rahaa tha,phir achaanak peeche mudaa aur is tarah dekhne lagaa jaise kisi ka intezaar kar rahaa ho.”Ab kya dekh rahey ho Hari? Bologe kuchh..Polammaa kaisi hai? Wo aaj bhi nahi aayi..theek to hai naa?”  Par..Hari bina boley bas jaane kiski raah dekh rahaa tha. “HARI…” maine thoda chinta aur gusse mein uski chup se chidh ke zor se kahaa..”kuchh bataoge kya hua? Kiska intezar kar rahey ho?”  Lekin..iske pehle ki Hari kuchh kah paataa,kisi ne zor se mere dono paer pakad liye….

“Arre…kaun hai..hato..” Par ye to Polammaa thi..kuchh murjhai si..jo mere paer chhorne ka naam hi nahi le rahi thi…”Polammaa…hato to..ye kya kar rahi ho? chhoro mere paer..” ..”NA..memsaab ..memsaab na hota to hum kal mar jaata o memsaam..kaun deta paani humko..memsaab..hum mar jaegaa to kisi ko bhi nahi pataa hoga na memsaab..do din baad sab jab pataa karegaa ki Polammaa kyon nahi aata to hi maalum hoga na memsaab…”
Kisi tarah se khud ko chhuraate hue maine usko chup karaane ko daant lagai..” Ye sab kya bole ja rahi ho..chup ho..beemaar ho,band karo rona..aankhon pe asar ho jaega nahi to..”

Hari jo ab tak chupchaap khadaa ye sab dekhe jaa rahaa tha,udaas aur gambheer sa, bola..”theek hi to kah rahi hai ammaa..memsaab kal jab main iske ghar gayaa to ye subah se bhoonkhi pyaasi bukhaar aur pate dard se behaal kholi mein padi thi…sabke kaam aati hai ye par jab isko madad karne ka bakhat aaya to koi ek boond paani bhi nahi laaya..main bharaa paani..isko khilaa ke dawai de kar,hospital se bukhaar ki dawaa la ke ,khilaa kar tab gayaa tha,abhi bhi iske ghar hote hue aaya hoon so der hui..isko manaa kiya par maani nahi,boli memsaab se milna hai bhaiya.”

Polamma beawaaz roye ja rahi thi aur uski baat ki sachchai ne Hari aur mujhe bhi rulaa diyaa..Hari to aansuon ko chhupaata ghar ke kaam mein lag gayaa aur main..Hari se Polammaa ko chai dene ko kah jhat se apne room mein aagayi..aur zindagi ki is kadwi sachchai ke saamne asahaaye si mehsoos kar mann ke gubaar ko aankhon se chhalkaati rahi..roti rahi..

Kitni beraham ho jaati hai na ye zindagi..Polammaa se kuchh aur jud gayi thi aatmaa..Lagaa.. na jaane kitni Polammaen hongi jinhe zindagi ki pathreeli zameen anjaane hi jaane kitne ghaav aur peedaen deti hogi..Aurat hi aurat ke jeewan ko har paristhiyon pe taul sakti hai,samajh sakti hai..aur is ghatna ne Polamma ko thoda aur dhyaan ka kendra banaa diya..lagta jab tak yatha sambhav main isko sukh de sakun de doon..wahi maine kiya..

Aaj jab jaana hai is ghar, is shahar ko chhor ke, to mann ajeeb si peeda se vyaakul hai..lekin..zindagi to nahi rukti aur niyam mein bandh ke hum insaan har waqt apna mannchahaa kaarya nahi kar sakte..”Chalti hoon Polammaa..ab jaana hoga na..apna khayaal rakhna..Hari..Polammaa ka dhyaan dena..ladna mat.”..

“memsaab..jaane ko nahi kaho..kaho jaa ke aataa hai memsaab.”
Polammaa..kitni bholi ho tum bhi..jaane kab ab idhar aana ho..aur kya pataa ho bhi na..jo aa hi gayi yahaan to..KYA TUM HOGI? Main ye soch ke rah gayi..bas muskuraa ke haath hila kar vida li..chal padi ek naye safar pe..peechhe rah gayi..aansuon se dhundhlaati ek  tak mujhe jaate dekhti..Polammaa..

DEAR FRIENDS..WISH YOU ALL.

         .A HAPPY REPUBLIC DAY…

   GANTANTRA DIVAS KI HAARDIK

            SHUBHKAAMNAEN..

Beetey varsh Mumbai haadsey ne sabko hila ke rakh dia,par..

us haadse ne humaari khoti ekta ko aur virodh karne ki shakti ko

punarjeewit kiya hai..Aaj hum sab mil kar ye waada karen..phir se

aisa koi haadsa na ho is baat ka poora prayatn karenge…saavdhaan rahenge

apne aas-paas ghatne waali gatividhiyon pe har sambhav nazar rakhenge..

Ye zaroori bhi hai ..kyonki…

Lekin..chaahey dahshatgard kitni hi koshishein kar lein.

.humko jhukaa nahi paenge…AB..

Aaiye hum sabhi milkar un veer jawaanon ko sajdaa,pranaam,salaam karein..

Jinki qurbaaniyon ki wajah se rahte hain surakshit…aap..hum..aur hamaara..

HINDUSTAN.

Mujhe tod lena vanmaali..us path pe dena tum phenk..

Maatr bhoomi par sheesh chadhaane..jis path jaen veer anek..”

                              -Maakhan Lal Chaturvedi  [Pusp Ki Abhilaasha ]

       * VANDE MAATRAM *                   

     
Tucmuc.Org

Kya chhupa hai kal mein, ji lalchaaye,jaananaa chaahey,par dhundh si hai..
Aaj ke har pal ko jeena chaahey,mann lalchaaye,par ajab si bebasi hai…

Haanth mein jo hai wo pal ,kis kis ko doon?
Khud jiyoon ya phir sabhi ko baant doon?
Baant doon to zindagi Main kya jiyoon?
Mann chaley dono taraf,kya deewaangi hai?
Aaj ke har pal ko jeena chaahey,mann lalchaaye,par ajab si bebasi hai…

Bhaagta rahta hoon ,kuchh pal ruk to loon..
Saans le loon do ghadi,raahat to loon..
Baith sabke saath ,khushiyaan dekh loon..
Kaise jiyoon raftaar? kaisi tishnagi hai?
Aaj ke har pal ko jeena chaahey,mann lalchaaye,par ajab si bebasi hai..

Kya chhupa hai kal mein,ji lalchaaye,jaananaa chaahey,par dhundh si hai..

Kyon hai phir aankhon mein paani?
Phir wohi yaadein puraani…
Bikharey lamhon ki hai maala..
Lamhon ki raunak puraani..
Kyon hai phir…
 Kyon hai phir aankhon mein paani?


Phir hain wohi shaakh aur boondein..
Koyalon ki phir wo goonjein..
Phir wohi baadal ka garjan..
Baarishon ki laya puraani..
Kyon hai phir..
Kyon hai phir aankhon mein paani?


Phir hawaa mein sarsaraahat..
Hothon pe phir thar tharaahat..
Tann mein hoti san sanaahat..
Aankhon ki bhaashaa puraani..
Kyon hai phir…
Kyon hai phir aankhon mein paani?

Kyon hai phir..

                                             POLAMMAA [  PART 2]


Badi mushkil se do joon ki roti aur ghar chal rahaa tha Polammaa ka.

Kabhi Durga Puja mein kisi ki di hui saari aur sweater se,kambal milne se uski chhoti si kholi mein uska guzar ho jaata tha,par uska pati aksar aa jaata aur jaate waqt adhikaansh saamaan utha le jaata.
par majaal hai jo Polammaa ne kabhi kuchh bhi kahaa ho.Main chidh jaati uski chuppi par,”bolti kyon nahi usko,kahaan se laogi sab eksaath? saal bhar ekattha karti ho ,wo ek jhatke mein sab le jaata hai!”,wo boli..” kya bolega memsaab,pati hai,maatha pe teeka lagaaya hai uske naam ka..memsaab..hum ko mann mein achchha bhi lagta hai,wo humko uske khatir alag kiya na,ab wo dono humse maangta hai..Bhagwaan ka photo bhi utha le gaya memsaab ..hum baad mein dekhaa to bahut gussa hua. Memsaab hum uska banaaya bhaat bhi nahi khaata,bua ko paisa de deta hai,wohi banaa deta hai..kahey ko bua ke paise ka kha bua ko bojh dena hai na memsaab?”


Ishwar ne bhi jaane kis mitti se banaaya tha usko.Santaan na hone ke kaaran uske pati ne doosri shaadi karli aur alag ho gaya tha,ek din usne hi mann ki peeda baanti thi mujhse, boli ” memsaab hum bhi nahi roya tab uske aagey,kyo rota? jab usne pehle hi fikar nahi kiya to ro ke main kya karta,wo hamaara bua rahta hai na paas mein,hum uske paas aagaya,wo usko kholi mein laaya tha memsaab,hum usko bol diya mera kholi khaali karne ko.” Main bas ek tak dekhti hi rah gayi usko..itna swabhimaan..waah Polammaa..phir maine kahaa ” Polammaa tum naaraz nahi apne pati se? Akele rah gayi tum? ,wo boli ..” Kahaan akelaa hai hum,memsaab log hai na aur ye chhotaa babu bhi to hai..hai na oooo…chhotaa babu..” kahte kahte jhat se meri beti ko utha ke khush ho khelne lagi uske saath..mujhe vichaaron mein uljhaa ke…kitna kathin jeewan aur kitni saralta..dhanya ho Polammaa !

Ek din tabiyat kuchh theekna hone se Hari hi chai banaa laaya,Polammaa ko chidhaane ke liye usko aadha cup chai  di,”MEMSAAB…ye Hari bhaiya dekho humko kitta kam chai diya hai ,pao roti bhi nahi deta,hum bola ki memsaab humko deta hai ye maanta nahi..hum bhookha rah jaega na memsaab..” . Maine kitchen mein jaa kar usko bread di aur Hari ko daant lagai [warna Polammaa rooth jaati na ],
“kyon pareshaan kar rahey ho Hari? Aur chai do usko..” kahte kahte main dekha chai khatm thi,so maine meri chai jo kuchh thandi karne rakh di thi usko di,wo sharma ke boli,”dekho Hari bhaiya..memsaab deti hai,ab diya nahi to maar khaoge.”, Hari bhi khush hota uski daant khaa kar..

Ek din jab subah wo nahi aayi to ghar jaise soona sa lag rahaa tha..wo shaam ko bhi nahi aayi to main ghabaraa gayi . Hari ke haanth paet dard ki dawaa [ Polammaa ko aksar hota tha aur is dawaa se araam bhi mil jaata tha ] aur kuchh khaana pack karke  maine diya aur usko Polammaa ke ghar se hote hue uske apne ghar jaane ki hidayat di.
jaise taise raat beeti,lekin subah Polammaa phir nahi aayi..mann mein jaane kya kya vichaar aane lagey..kahin kuchh …nahi wo theek hogi..kahaan rah gayaa ye Hari bhi….Arre..wo rahaa..kitni der kar di…,

” Hari……….”

                                             
                                                            contd…

                                                                                POLAMMAA

Kitni smritiyaan hain is ghar se judi,aur yahaan mere ghar mein kaam karne waalon ke saath.Is ghar mein aayi thi to 4 saal ke bete aur 8 mahine ki beti ko lekar teesri manjil tak chadhna bhi muskil lag rahaa tha.Ek to khadi ,puraane tareeke ki bani seedhiyaan aur doosre bachche bhi chhote,par ye teen varshon ka waqt kaise beet gayaa pataa hi nahi chalaa… Kitne saral aur zimmedaar staff ne sambhaali thi meri grihasthi . Shaayad meri slip disc ki problem bhi unhe aur sahriday banaa gayi thi. Aankhein bhar aayin ,badi mushkil se sabse nazarein churaa ke aansoo ponchh liye.

”Memsaab aap jaa rahaa humko achchhaa nahi lag rahaa na memsaab..” Polamma ki aawaaz sunke chaunk gayi..mud ke dekhaa 45-50 ki dubli si kaaya,kaale safed baal aur chehre pe wahi chirparichit muskaan..”Arre..Polamma tum kab aayi…is waqt kaise? ” wo boli..”memsaab aap chalaa jaega to phir hum akela pad jaega,humko chhota babu kahaan milega..kaun poochhega polamma kaisa hai memsaab..” Uska ‘memsaab’ kahne ka tareeka itna pyaar bharaa hota tha ki main barbas muskuraane lagti,khaas taur se baat ke antim mein ko kheench kar bolna..

Polamma..ek dakshin Bhartiya parivaar se thi jo shaayad uske janm ke pehle bengal mein aakar bas gayaa tha.Wo dono sanskaar ka adbhut sangam thi,Durga Puja aur Pongal,tyohaar chaahe jo bhi ho Polamma  khoob utsaah se manaati,chaahey ek tukda barfi se hi kyon na ho…

                                                                       contd..

Kuchh khoya sa kuchh rootha sa
Har shabd hai jaise toota sa..
Har madhuban ujada ujada sa..
Har bhaav hai bikharaa bikharaa sa..

       (:SHUBH PRABHAAT

PHOOL PHIR BHI PHOOL HAI,MAANAV NAHI..

GUN ANEKON HON BHALEY MILTE HUE….

Abhi tak main,phoolon se judey, apne mann ke vichaaron ko aapse baantati rahi..Aaj aapki baari hai..Shabd dijiye apne mann ke bhaavon ko, in phoolon ko dekh kar.. 

Have a successful day…  

        (:SHUBH PRABHAAT

Jaise phoolon ke ras se shahad banta hai,

Waise hi gyaan se vyaktitva nikharta hai..