checkmate’s blog

'

' (:SHUBH PRABHAAT

'

“DUKH BAANTANE SE KAMM HOTA HAI..KHUSHIYAAN BAANTANE SE BADHATI HAIN”

LEKIN TABHI JAB SACHCHE MANN SE BAANTAA JAAYE…DIKHAAWE KE LIYE NAHI..

'

[HAVE A NICE WEEKEND....SPREAD SMILES....ATLEAST TRY...]

Guzarte hue waqt ke kaarwaan se udati hui dhool ke kand..

Meri aankhon mein aa gaye aur..namm ho uthin hain aankhein..

Baar baar ponchhati hoon ashk ,par dhundhlaa gayaa hai manzar..

Rah gaye hain aadhe adhoore drishyon ke bheege tukde..

Chubhte hain mujhe jab bhi aankhein band karoon..

Dahshat us waqt ki dil pe bojh ban jaati hai mere..

Wo har lamhaa mujhe ahsaas karaata hai apnon ki qeemat ka..

Jaise sab tootataa bikharta sa jaa rahaa mujhmein..

Kyon ab bhi aage chal chal ke laut aati hoon,us waqt mein..

Ek sannaata sa zehan pe khanjar chalaataa rahta hai..

NAHI..AB NAHI LAUTUNGI PHIR US MOD PE..

MUJHE JEENA HAI KHULI TAAZI  FIZA MEIN..

Zindagi ki is ghatna ko anubhavon ke saathrakh ke…

AB AAGE CHALNA HAI..

[ye unke dard ko samajhne ki koshish hai jo mumbai terror attack se rubaru hue the ]

chupchaap..kuchh lamhon ko sambhaal ke rakhaa tha..

maine kuchh khwaabon ko aankhon mein chhupaa ke rakhaa tha..

chaahti thi tumhein ye sab tohfe mein denaa..lekin..

aansoo de kar, tere chubhte shabd sab le gaye..

zindagi ki anginat,khoobsurat kahaaniyaan..

apni muskaan se sajaa kar ,madhur shabdon mein rachaa kar..

kisi suhaani shaam tumhe sunaana chaahti thi…par..

jaane kab mera wo khazaana,kahin dafn ho gayaa..

jin mushkilon ko saath mil ke paar kiya humne…

unpe jeet se miley utsaah mein, tere har mushkil waqt mein..

 saath dena chaaha tha maine tumhaara…lekin..

tumhi mera haath jhatak ke,mujhe tanhaa kar gaye..

phir bhi ji rahi..kuchh udaas,akeli,kuchh majboor..

ye zindagi chalti ja rahi…

Maine khudko in phoolon ke beech kho kar dekha hai..

Mahsoos kiya hai kitni sahajta se ye mann ki ashaanti ko har lete hain..

Apne haathon se inko chhu kar,sahlaa kar,ek anjaana sa apnapan paaya..

Har subah inko nihaarne par jo khushi paayi wo abhivyakti se parey hai..

Jab bhi koi phool murjhaata hai mann udaas ho jaata par..

prakriti ka niyam hai,jo aaya hai usko jaana bhi hai..

Kahte hain ye bezubaan hotey hain,lekin..

Main inko nisshabd baatein karte suna hai..

Sukoon ke,shaanti ke,zindagi se bhare lamhein miley hain..

Jab bhi mere ghar baagichey mein ye phool khiley hain…

    from my
garden

'

(: SHUBH PRABHAAT

APNON KE SAATH BITAAYA HAR PAL,JEENE KA UTSAAH BADHAATA HAI..

APNON KE SAATH WAQT BITAIYE,ZINDAGI KI BHAAG DAUD TO CHALTI RAHEGI..

'

HAVE A BEAUTIFUL WEEKEND…

  

FROM MY GARDEN..

few flowers from my garden  

feel like sharing with you all,hope you all will like it if not…sorry

[i took all these pictures from the cam of my cellphone ..Nokia 3230 ]