checkmate’s blog

'

Preet anokhi tumse meri ,virah anootha priyatam..

Deh - praan saa saath humaara,door ho ke bhi sang hum..

Yoon hai na Kaanhaa ?

'

Premras mann mein yoon hai ghulaa,kitna baantoon ,na ho kam..

Murli ke sangeet sa, ye'goonje,ghat-ghat hardam..

Kyon hai na Kaanhaa ?

'

Phir bhi hai mann mein saadh ,tumhe dekhoon kho sanyam..

Phir bansi chendo tum ,mugdh main naachoon cham-cham..

Sunte ho na Kaanhaa?

'

Aao ki panghat nirjan se,lagte hain gumsum..

Van-upvan hain murjhaaye jabse gaye tum…

Aaoge na Kaanhaa?

'

Door jaane ka khauf,dard aur nami..

Lab hain khaamosh ,magar ..anginat baatein,hidaayatein..

Teri aankhon mein bhi hai,meri aankhon mein bhi..

Tootkar choor hue khwaabon ki  chubhti kirchein..

Zindagi bhar ke liye zakhm liye rooh ka gumm…

Pyaar ke sab sunhare lamhe,sisakte.. tadapte..

Teri aankhon mein bhi hai,meri aankhon mein bhi..

Aaj hamesha ke liye juda hone ki kasam uthaane ki majboori..

Teri aankhon mein bhi hai, meri aankhon mein bhi..

Mat ro ae mere dost ,mat ashk bahaa..

Ishk ka hashr sadiyon se yahi hota rahaa..

Na yoon ho ki ashk le jaaye bahaa humaari tasveerein..

Jo..teri aankhon mein bhi hai,meri aankhon mein bhi..

'

'''''''''' (: SHUBH PRABHAAT

'

kabhi kabhi apne andar ke masoom bachche ko bhi swatantr kar dene se aatm santosh milta hai.. bharpoor jeena shaayad isi ko kahte hain ..'nahi kya'?

'

'

Enjoy your weekend …

'

Dear friends ,aksar koi comment karta hai ,mujhe alert bhi milta hai par check karne pe koi comment nahi hota..kya aap mein se bhi kisi ke saath aisa hua hai?

alert niche paste kar rahi..

read your Blog post on Rediff iLand and was interested enough to say something. To read the comment click here.

read your Blog post on Rediff iLand and was interested enough to say something. To read the comment click here.     2nd one,got it on 31.08.09

Koi naam bhi nahi hota..

Bahut baar aisa hone ke baad aaj  aapse share kar rahi..

-lata

'

'

'''''''''''''''''''''''''

'

KUCHH  LOG..

'

Kabhi kuchh log zindagi mein aise aate hain,
Anginat rangon se har pal ko sajaa jaate hain..
Aur bhi log aas-paas rahte hain lekin.
Kuch log zindagi ko khaas banaa jaate hain..

Har pal ke ehsaas mein hoti hain unki yaadein..
Ek-ek shabd yaad hoti hain unki baatein..
Aisa jaane kya alag hota hai un logon mein..
Sabke hothon pe muskaan sajaa jaate hain..

Dagar jeewan ki hoti hai badi mushkil lekin..
Apni yaadon se wo aasaan banaa jaate hain..
Kabhi kuch log zindagi mein aise aate hain..

'

''''''''''''''''''''''''''''''' (: SHUBH PRABHAAT

'

APNI KHOOBIYON KO DEKHNA,SAMAJHNA, AUR AAGE BADHNA ..YE BAHUT SARAL NAHI LEKIN NAMUMKIN BHI TO NAHI..

AUR UN KHOOBIYON SE DOOSRON KO PROTSAHIT KARNA ,KHUSHIYAAN BAANTNA,KOI SAADHAARAN BAAT NAHI…

HAI NA…. ?

'

'

have a superb day ..and a'lovely weekend..

'

FROZEN ROSE….

Buried in the layers of your thoughts..

Deep freezed in your heart..

I am a Frozen Rose..

Days spent together..talking n sharing..

are now..past..

They are nowhere in your memory..but…

Still I live..

Deep freezed..in your heart..

I am a Frozen Rose..

I do cry..long for you…desires still burn..

and I become your part..

You dont feel me,I know,but I am not apart..

I still live..

Deep freezed ..in your heart..

I am a Frozen Rose..

'

(: SHUBH PRABHAAT

'

YE JEEWAN KISI KE LIYE VARCHASVA KI LADAI HAI TO KISI KE LIYE ASTITVA KI..

KOI AURON SE LADTA HAI TO KOI KHUD SE… LEKIN LADTE HAIN SAB HI …

TO JEETE KAB HAIN ?

'

'

have a nice day…'''''''''''''''

'

'

[picture taken by me..]

'

'

Zindagi..

Naa jaane kitne toofano ko chupa rakkha hai..
Kitne kaanton pe phoolon ko sajaa rakkha hai..
Ek pal ko hansi phir,ashk diye jaati hai..
Zindagi ne ye kya roop banaa rakkha hai?

Kiski aankhon mein khwaab nahi rahte hain?
Kisko jeewan mein bhalaa gum nahi milte hain?
Har milan ke baad to judai hai..
Zindagi ne ye kya niyam banaa rakkhaa hai….

'

FINALLY…'

Since yesterday i wasnt able to open my iland n see the comments,friends blogs,leave comments on them or even in gb,was'trying to solve this problem… Asked friends for help and Now..I AM BACK..

Thank you friends

Oh…..Thank you Rediff

last but not the least ..thank you Amisha

-lata

'