rediff.com
Hi Guest
Log in | Sign up

checkmate’s blog

its me Lata R. Ojha
Subscribe

Archive for the ‘ek khayaal’

← Previous Entries

EK TUKDA AASMAAN…

September 10, 2012 By: Lata R. Ojha Category: ek khayaal

Nahi ,meri to zameen hi nahi thi…


Kya hogi zameen , raakh to nadi mein hogi visarjit…

Ya hawaa udaa le jaegi kaheen..Isliye..

Maangi hi nahi maine ..

Jo mili bhi usko koi meri maanta hi nahi..

To yoonhi sahi…

Ek tukda aasmaan jo tha mera..

Sitaaron se bharaa, sapnon se sajaa…

Phir..,,wo bhi dhank gayaa..

Kaale syaah baadalon mein… kho gayaa..

Jaane aisa kyon ho gayaa?

Bahut dhoonda , par nahi milaa…

Aaj…aaj bhi chal rahi…

Aas jagaa ke ki shaayad…zameen mil jae meri..

Anjaanaa sa wajood ho jaise khadaa…

Zameen ka ek tukda?? NAHI..

Ek mutthi zameen…meri raakh ho jahaan…aur..

Upar jagmagaataa hua…

EK TUKDA AASMAAN….


http://datastore.rediff.com/h5000-w5000/thumb/696D5C62645B2D2F33/2u1u1jyd1qsh5h5z.D.0.images_-1-stars.jpg

Comments (2)

Kahaan khoe…

May 12, 2012 By: Lata R. Ojha Category: ek khayaal

DOST SAB JAANE KAHAAN HAIN KHOE..JAANE PHIR WO DAUR KAB AAE..SAATH CHHOOTA THA KIS GHADI MEIN YAHAAN…JAANE GAE KAHAAN ,VAAPASI KAB HOE..

Comments (3)

HUM HI HAIN!

February 24, 2011 By: Lata R. Ojha Category: ek khayaal

http://datastore.rediff.com/h5000-w5000/thumb/696D5C62645B2D2F33/odtsugrrr2s7cl0q.D.0.4056277-lg.jpg

JAANE KYON JHAKJHOR JAATA HAI SATYA KA CHEHRAA..

SATYA KO RACHTE TO AAKHIR HUM HI HAIN..!

KARM KARKE BHI UNSE BACHTE HAIN FIRTE..

JHOONTH KI CHAADAR SE SACH KO DHANKTE TO HUM HI HAIN !

VISHAILE KAANTE BOTE HAIN RAAHON MEIN LEKIN..

BHOOL JAATE HAIN KI ZAKHM KE KAABIL TO HUM HI HAIN!

ASHKON KO MUSKAAN KA JAAMA,MUSKAAN KO ASHKON KA RANG..

CHOLE BADAL TO DETE HAIN LEKIN UN CHOLON MEIN TO HUM HI HAIN!

Comments (5)

Kabhi aise hi.. Kuch..

January 04, 2011 By: Lata R. Ojha Category: ek khayaal



http://datastore.rediff.com/h5000-w5000/thumb/696D5C62645B2D2F33/wgs9acx24cjj1bsr.D.0.spiritual-waves.jpg


Kahti hoon bahut kuch..
 Sunti hoon bahut  kuch ..
Lekin phir bhi kuch ansuna sa rah jaata hai..

Bahut baar sunanaa chaahti hoon wo ansuna ..Kahnaa chaahti hoon jo tha ankahaa..
Lekin..rah hi jaata hai..kabhi aise hi kuch..

Tumne bhi to sunaa hoga..mann hi mann kuch guna hoga..
Lekin..kitna kuch dabaa hi rah jaata hai..

Apni jaane kitni hi baatein,tere saath jiye din aur Raatein,sanjoye baithi hoon..
Lekin..jee lete hain ant aa jaata hai,rah jaata hai..

Kuch..

Comments (5)

(: SHUBH PRABHAAT :)

April 03, 2010 By: Lata R. Ojha Category: ek khayaal

 
http://datastore.rediff.com/h5000-w5000/thumb/696D5C62645B2D2F33/1cf0j4yevnm4zext.D.0.img_2987.jpg

KHUSHIYON KE HAR EK PAL KO BHARPOOR

JEE LIJIYE..

AUR UNKI YAADON KO SAHEJ LIJIYE

..KYONKI..

JEEWAN KE KATHIN SAMAY MEIN YE HI

YAADEIN

JEENE KA HAUSLA BHI DETI HAIN ..

HAI NA :) ?

have a great weekend :)

-lata

Comments (4)

Kabhi mujhse jo usne mohabbat ki hoti..

March 12, 2010 By: Lata R. Ojha Category: ek khayaal



http://datastore.rediff.com/h5000-w5000/thumb/696D5C62645B2D2F33/jgfo2ktsk9oh8kz2.D.0.The_most_beautiful_cactus_flowers_(1).jpg


Kabhi mujhse jo usne mohabbat ki hoti..

Uski aankhon mein bhi to nami hoti..

Dil tootne ki aahat to sunleta wo..

Mere ashkon ki kuch to kadr ki hoti..

Kabhi mujhse jo usne mohabbat ki hoti..



Mere zard chehre ko dekh ro deta..

Khushk labon ko aas de deta..

Sooni aankhon mein kisi khwaab ki jhalak hoti..

Usne pal bhar  ko jo aankhein melaayi hotin..

Kabhi mujhse jo usne mohabbat  ki hoti..


Ret ka dher tha wo lehron mein simat sa gayaa..

Khaak khwaabon ke meri rooh mein bikher gayaa..

Main ro deti jo palat ke dekh leta wo..

Kaash..usne itni to taqleef ki hoti..

Kabhi mujhse jo usne mohabbat ki hoti..



Jo hua tha naseeb dono ka…

Do kadam chal ke saath jo choota..

Kitne khush hote jo wo do kadam bhi na chale hotey..

Dil dhadakta,rooh sukoon se hoti..

Na kabhi mujhse jo usne mohabbat ki hoti..



 

Comments (18)

ANOKHE IMTIHAAN..

January 28, 2010 By: Lata R. Ojha Category: ek khayaal



HAR ROOP HAR RANG SE KARAATE HAIN

PEHCHAAN..

SAFAR KE KUCHH MOD PHIR BHI,RAH JAATE

HAIN ANJAAN…

CHHAYA,PERCHAIYAAN..DHOOP,ROSHANIYAAN..

KABHI ASHK BEHTE HAIN GUM MEIN..NAMI

LAATI

http://datastore.rediff.com/h5000-w5000/thumb/696D5C62645B2D2F33/om4gepwlkm9tkdo7.D.0.3870529197_d6389a3e02.jpg

HAIN KABHI KHUSHIYAAN..

ZINDAGI KI AJEEB SI HAI KASH-M-AKASH, HAIN

KITNE ANOKHE YE IMTIHAAN..






Comments (12)

Chal mere mann….

September 02, 2009 By: Lata R. Ojha Category: ek khayaal


'


Chal mere mann chalein wahaan..


'


Jhar- jhar jharna karey jahaan..


Nadiyaan kal -'kal shor karen..


Pakshi kalrav chahun oar jahaan..


Chal mere mann…



Sar -sar chalti purvai ho..


Pushpon ki sugandh bhi chhaayi ho..


Vrakshon ki ghaneri chhaanv jahaan..


Chal mere mann…


'


Sondhaapan ho jahaan maati mein..


Bhaoron ka meethaa gunjan ho..


Mann krandan ho shaant jahaan..


Chal mere mann..



Chal mere mann chalein wahaan…


'

Comments (15)

Zindagi…

August 26, 2009 By: Lata R. Ojha Category: ek khayaal

Zindagi..

Naa jaane kitne toofano ko chupa rakkha hai..
Kitne kaanton pe phoolon ko sajaa rakkha hai..
Ek pal ko hansi phir,ashk diye jaati hai..
Zindagi ne ye kya roop banaa rakkha hai?

Kiski aankhon mein khwaab nahi rahte hain?
Kisko jeewan mein bhalaa gum nahi milte hain?
Har milan ke baad to judai hai..
Zindagi ne ye kya niyam banaa rakkhaa hai….

Comments (13)

PREM DANSH…

April 15, 2009 By: Lata R. Ojha Category: ek khayaal

Kabhi apnon se milte hain …aatma jhakjhortey hain..

Kabhi gairon se milte hain…vishwaas todatey hain…

Jisey chaaha,apna maana…wahi muh modatey hain..

Hriday cheekhey magar chupchaap…jab bhi miltey hain..

PREM DANSH… 

Comments (16)

« Previous Entries