Ye kya hua??.. Abhi to soyi hi thi,tab tak to aisi koi baat nahi thi ,phir ye achaanak kya hua..? Baahar dekhti hoon…Oh..ye sabhi rishtedaar achaanak se kyon jutne lagey hain?? Kuch bhi to nahi samajh aa raha..
Chhoti didi se poochhti hoon..arrey..ye sab log ro kyon rahey? Mann ghabraa rahaa..kya ho gayaa raat mein aakhir?? Mere bachche kahaan hain?
O maa…ye dono itne gumsum se kyon baithe hain ?? wo bhi kamre mein chhup ke..?? Zaroor inke papa ne hi daanta hoga mere bachchon ko,abhi poochhti hoon..
‘.Babbu .bachha kya hua aap dono ko? Papa ne kuchh kahaa kya?’ Arre ..sunte kyon nahi dono? ” beta…kya hua mere bachchon ko,hmmm..,bataiye to? kisi ne kuchh kahaa kya?aur…aur ye sab bheed kyon ekatthi ho rahi ?”
Ye to sun hi nahi rahey jaise..Ab kya karoon..Inke papa se hi poochhti hoon..wo hi bataenge..Jaane kyon daant dete hain aise? Aise bhi koi daantata hai bachchon ko bhalaa..?
Ohh..Ye to sabke paas aangan mein hain,kaise jaun? Babuji ke aagey jaana uchit nahi hoga…
Ye phool le ke aangan mein kyon aa rahey?? Aur ye kya hai ?? AAH..BARF KI SILLIYAAN?? YE…YE KYON..KISLIYE? HEY RAAM!… YE TO KISI KI ARTHI KA INTEZAAM HO RAHAA….KAUN??? ARRE KOI TO MUJHE BHI BATAO.. KYA HO RAHAA HAI.??
Wo badi didi ja rahin kisi ko antim darshan karaane ..chaloon main bhi to haath jod loon..jaane kaun hain..pranaam to karna chahiye..
“Didi.. Kaun hain ye?” Didi ne chaadar hatai hai,dekhoon to….
………….. ???????????…………….
NAHIIIIIIIIII………….MAIN????????????????
