checkmate’s blog

Wo chalte-chalte thak gayaa..
Apni rashmiyon ko samet kshitij mein kho gayaa..

Failaa gayaa jaate-jaate syaah si chaadar..
Asankhya taaron ke bich ,jagmagaata chaand roshan kar gayaa..

Kisi aur chhor,sameti hogi raat ki syaahi..
Pighalte sone ke rang si,kesar pagi rashmiyon se,sajaaya hoga..

Phoolon ki mahak,bhaoron ki goonj, aur sheetal pawan ko uksaaya hoga..
Saara din chalega,phir raat ka kaajal,aakaash pe mal jaega..

dekho na phir…
wo chalte-chalte thak gayaa..
Apni rashmiyon ko samet,kshitij mein kho gayaa..
Kahin ast,kahin uday ho gayaa..
Soorya..

                                                                मु�े नभ में 

मत ढूँढो..

मु�े सब में मत ढूँढो..

�ो ढूंढ सको तो..

Idhar nabz thamti,udhar ashkon ki hai jhadi..

Idhar tootati si saans aur udhar sanjote hai aas..

Virakti-aasakti , aasakti - virakti ka kaisa ye khel??

Hain hum jeevan bisaat ke mohre maatr !

Idhar goonjati kilkaari ,udhar jaaye koi balihaari ..

Kisi ke maathe pe ,bhavishya ki chinta lakeerein…

Mamatva ki chhaanv taley,abodh -bodh ka nirbaadh mel..

Hain hum jeevan bisaat ke mohre maatr !

‘Raam naam satya’ ke teevr bol ,udhar mantrochchaaran ke saath phere..

Kahin kisi ke safar ka antim padaav chita ,kahin hawan agni ko saakshi kar aarambh…

Ati-iti ,iti-ati ka dwand sametey chalta,ye safar??? ya khel ? shaayad dono ka mel..

Aur hain hum..jeevan bisaat ke mohre maatr !

Maa ko paas mehsoos kar,rota hua bachcha bhi 

chup ho jaata hai..

Akhir kyon?? kyonki sparsh bhi kuchh kahta hai..

Himmat haar ke baithe hue ko har shabd vyang 

udaata sa lagta hai…

Par haanth thaam lo ya galey lagaalo,sambhal jaata 

hai…

Dil  mein laakhon uljhano ko liye jeeta 

shakhs,ghut’taa rahta hai..

Sar pe sneh ka haanth pa,ji bhar ro ke ,utsaahit ho 

jaata hai.

Aankhon se laakh kisse kah le,preet bhi to har 

chhuan ki wrini hoti hai…

Bhaav kahne ko kai baar,prem bhi to sparsh ka 

mohtaaj hota hai..

Hota hai….sach much..sparsh jadoo hota hai..

Ya phir..sparsh mein sach much koi jadoo ka sparsh 

hota hai..

Par..jo bhi ho..bahut rahasyamayi ..bada anokha 

vardaan hai..

Sparsh………..    

Aaj bahut dino baad ,maine mud kar dekha..

Zindagi ki raah pe bane hue ,mere apne kadamon ke nishaan..

Dekh ke hairaan rah gayi,oonche-neeche raaste ko..

Kuchh alag hi rang tha har ek pe ,the alag alag rangon k nishaan…

Mere un nishaanon ke aas-paas ,anginat kadam guzare the..

Kuchh bahut pheeke rang k,kuchh chamakte manmohak nishaan..

Raasta kabhi reteela tha,kabhi samtal,kabhi dhalaanein thi to kabhi seedha sapaat..

Par kadamon ke rang nahi badale the,na hi kaheen badale the koi bhi nishaan..

Phir se aage badhne lagi hoon,is ummeed ke diye mann mein sajaaye..

Shaayad kabhi kisi pathik ko ,na bhatakne denge,raah dikhaaenge, uska utsaah badhaenge aur..

Prerit karenge, muskurate hue chalte rahne ko, aage badhne ko..

MERE KADAMON KE NISHAAN..

Gunguni dhoop mein chupchaap yoonhi chalta hoon,

Main hoon ehsaas roz karwatein badalta hoon..

Mod jitne bhi paar zindagi k kar aaya,

Unka anubhav hoon tere saath saath chalta hoon..

Kyon nahi hai yakeen khud pe mere humraah tujhe..

Paas hoon,haanth mein haanth liye chalta hoon..

Waqt kaisa bhi ho, na ghabrana kabhi pal bhar ko…

Har mushkil ka hal main saath liye chalta hoon..

Main rukun chaloon ,wo rukey chaley..

Har sukh -dukh mein mere saath rahey..

Hain saath magar hain ’saath’ nahi…

Kuch doori hardam rakhti hai..

Meri parchhain…

Kuchh gair bhi hai,meri apni bhi..

Swaabhimaan bhi rakhti hai…

Lagti hai mere jaisi par..

Bhaav badalti rahti hai..

Meri parchhain..

Jeewan ke oonchey-neechey path pe..

Mujhe santulan deti hai…

Kabhi aagey- peechey rahti hai…

Kabhi idhar-udhar mandraati hai…

Meri parchhain..

Chaahey na dikhey kisi raah magar..

Humraah sadaa hi rahti hai ..

MERI PARCHHAIN..

Aaj stabdh

Sarvatha nisshabd

Nistej,nirbhaav

Sangyashoonya

Kaathi

Jeev rahit

Ye deh

Maati

Abhi to chalna shuru kiya hai,door bahut hai jaana..

Abhi to maine is duniya ko thoda sa hi jaana..

Abhi hain kholey band jharokhe,band sabhi darwaaze..

Abhi to swakchh hawaa aayi hai,saans lena hai jaana..

Mann jo vyaakul ,klaant-ashaant hai,usko shaant to kar loon..

Prem ke amrit-srot ka rasta,maine ab hai jaana..

Abhi to aasha-jyoti jali hai,kuch ko raah dikhaa loon..

Swapn hai mera,maarg tumhaara,jagmag sa kar jaana..

Abhi to kuch hi rang dekhe hain,indra dhanush nahi poora..

Jaane se pehle mujhko hai, usey poora kar jaana..

Ban ke daali jhoomti hoon..

Pakchhiyon se khelti hoon..

Titliyaan banke udati hoon..

Koyal ban ke gaati hoon..

Kabhi baadlon si parvaton pe..

Kabhi varsha ban barasti hoon..

Jharno ka veg hoon main..

Nadiyon ki dhaara hoon..

Oas ki boond hoon kabhi..

Saagar ka vistaar hoon..

Patjhad ki sookhi pattiyaan hoon..

Basant ki nanhi konpal hoon..

Dharaa mein chhupa beej hoon,

ubharta ankur hoon,ped hoon..

Phool hoon,kaanta hoon..

Vrakshon pe sajaa phal hoon..

Aanch hoon dhoop ki..

Barfili shwet chaadar hoon..

Banjar hoon,registaan hoon..

Phir bhi dharaa ki shaan hoon..

Jaisi hoon,jo bhi hoon..

Tumhaari hi to hoon..

MAIN PRAKRITI HOON..