checkmate’s blog

Kyon hai phir aankhon mein paani?
Phir wohi yaadein puraani…
Bikharey lamhon ki hai maala..
Lamhon ki raunak puraani..
Kyon hai phir…
 Kyon hai phir aankhon mein paani?


Phir hain wohi shaakh aur boondein..
Koyalon ki phir wo goonjein..
Phir wohi baadal ka garjan..
Baarishon ki laya puraani..
Kyon hai phir..
Kyon hai phir aankhon mein paani?


Phir hawaa mein sarsaraahat..
Hothon pe phir thar tharaahat..
Tann mein hoti san sanaahat..
Aankhon ki bhaashaa puraani..
Kyon hai phir…
Kyon hai phir aankhon mein paani?

Kyon hai phir..

Thakte kadamon ko thodi raahat do…

Tez saanson ko thodi mohlat do….

Tez chalna bahut zaroori hai magar….

Zindagi ko jeene ka bhi to mauka do..

Jinki khaatir saari umr bhaagte hi rahey…

Unko ko to saath ki bhi khwahish thi…

Dher noton ke lagaa ke hua haasil kya..

Waqt beeta hua ,laut ta hi nahi..

Sneh sparsh ki rahi saadh,chita sajne tak..

Koi bachpan bhi tha tarsa,teri lori ko..

Kisi ne aas kari thi hausla afzai ki…

Kisi ko chaah rahi sar pe tere haathon ki..

Soch lo khud hi ,kya sahi raah thi jeene ki ?

Kya zaroori tha muskuraane ko?

Tumne khushiyaan di hain ya zindagi le li?

Kho diya ’kya-kya’,kya paane ko? 

Zindagi se seekhna..

Jeetna..phir haarna..

Haar ke ..phir jeetna..

HAR HAAL MUSKURAANA..

Dard sahna seekhna..

Pyaar dena seekhna..

Apni nam aankhein chhupa kar..

Muskuraana seekhna..

Zindagi rukti nahi..

Tum saath chalna seekhna..

Jo koi maange sahaara..

Thaam lena seekhna..

Zindagi mein kuch bhi ho..

Khud ko dekar  ke sahaara..

Sabka sambal banna seekhna..

Haarna ya jeetna…

HAR HAAL MUSKURAANA…

                                                                                      EK KHWAAB SAJAAYA THA MAINE..

Kuch jhilmil khwaab sanjoye the..

Kuch pushp baag sajaaye the..

Jo kand-kand jodey the maine..

Wo bhaav deep jalaaye the..

Har pal har kshan sanwaarati thi…

Palkon se sadaa buhaarti thi..

Kabhi neer se dho kar saaf karoon..

Kabhi preet se aur sajaati thi..

PAR…ek thes se sab kuch ujad gayaa..

Toote sheeshe,bikhari kirchein..

Har oar lahoo,har oar dhuan..

Swapnlok mera ..chaknachoor hua..

Na pushp bachey,na baag rahey..

Har pal hriday mein,ek aag jaley..

Un ‘bhaav-deepon’ se hi ujadaa..

Phir se kand-kand ban ke bikharaa..

Kya dosh tha mera bolo to?

Bas itna…ki..

EK KHWAAB SAJAAYA THA MAINE..??

BAITHI DEKH RAHI THI TAAREY

 JAANEY KITNEY………….KITNEY SAAREY

CHHOTI THI, TO GINTI THI

   DHERON SAPNO KO BUNTI THI

‘SAPTRISHI’,'DHRUV’ DHOONDHTI THI

   ANOKHI AAKRITIYON PE HASTI THI

AKSAR DEKHA KARTI TAAREY

  JAANEY KITNEY…KITNEY SAAREY

 BEETA BACHPAN,BADLEY SAPNEY

   BADLA DHANG,DEKHNEY KA,TAAREY

LAGTA THA,HAI MUJHME,GYAAN BAHUT

   HAR BAHAS JEET KHUSH HOTI THI

AKSAR DEKHA KARTI TAAREY

 AB,DOOR BAHUT,LAGTEY TAAREY

KUCH BADAL GAYA,KUCH BEET GAYA

  KUCH BIKHREY,KUCH TOOTEY TAAREY

ANJAAN BHAVISHYA,AJNABI DAGAR

  PAR PHIR VISHWAAS,SAAHAS SANJOTI THI

LAGTA TAAREY, HOTEY  HAIN TAAREY

  BAS DOOR SE ACHCHHEY HAIN SAAREY

AB AUR BHALEY SE LAGTEY HAIN

  JAB ‘TAARON’ KO DIKHLAATI HOON TAAREY

WO POOCHHTEY HAIN ‘DHRUV HAI KAISA?’

  UNHEIN SAPTRISHI LAGTEY PYAAREY

BAAHEIN PHAILA KE KAHTEY HAIN

  ‘MAA DEKHO…….DEKHO KITNEY TAAREY……’

BAITHI DEKH RAHI HOON TAAREY

  KITNEY PYAAREY…………..’MERE TAAREY’

jaaney kyon vaadion mein khoney ko ji chahta hai

baadal choomtey parwaton ki chotion pe jaana chahta hai

baadalon ko chhoo key,khud unmein chupna chahta hai

harey-bharey pedon ko der tak nihaarna chahta hai

phoolon key beech khud ko bhool jana chahta hai

sard hawaon mein,gesuon ko lehrana,sondhi mahak ko basaana chahta hai

jharno key ninaad mein duniya bhool jana chahta hai

nadiyon sa behna,machalna,chaltey jana chahta hai

prakriti ko swayam samarpit kar ,ishwar ko pana chahta hai

jaaney kyon aaj…….vaadion mein khoney ko ji chahta hai………..

bhor ne le li angdai..

adharon pe muskai lali..

os ki boondein maathe pe…

le kar sang chali purwai…

jyon thoda sa lahraya aanchal….

 mand mand bah chali bayaar….

bhanware aaye pushp se milne….

titlion ne kalion pe lutaya pyaar…

wo baanki jo khilkhilayi…

surya poorv se pada nikal….

kirane  bhi chupke se aayin…

bhor se bolin chal ghar chal….

ZINDAGI KO BAHUT KAREEB SE DEKHA HAI.

RANG BADALTE HAR AZEEZ KO DEKHA HAI.

KYUN UTHTI HAI PHIR KASAK DIL MEIN MERE,

JAB BAN KE BIGADTE HUE NASEEB KO DEKHA HAI?

KHWAAB, ARMAAN,SHAUK,SAB BAATEIN HAIN BEETEY DIN KI,

MAINE INHE CHINDI-CHINDI AANSUON MEIN BEHTE DEKHA HAI…

AB NAHI SAATH, KISI KA,TANHAI BHI DETI HAI,

MAINE TANHAIYON KO,TANHAI MEIN,ROTEY DEKHA HAI….

KABHI KHUSHI KE LIYE MAANG THI,ZARURAT BHI THI SHAYAD,

MAINE IS DIL KO PATTHAR SA HOTEY DEKHA HAI…….

ACHCHHAIYON KI HAWAON KO SUN-SUN KAR,SEH-SEH KAR,

MAINE ACHCHHAIYON KO HI HAWA HOTEY DEKHA HAI….

IS QADAR FAREB ZAHAR SA GHUL GAYA HAI JEEWAN MEIN,

MAINE LOGON KO MAR-MAR KE JEETEY DEKHA HAI……

UMR BOODHI NAHI HUI HAI PHIR BHI,

MAINE IS ZINDAGI KO BAHUT KAREEB SE DEKHA HAI……