EK ILAND AISA BHI THA …
Ek iland aisa bhi tha ..jisne mujhe neev di..
Jaane anjaane hi anginat seekh di ..
Kitna apnatv aur kitna utsaah dia ..
Mujhe doston ki snehil toli di ..
Ek iland aisa bhi tha,jahaan maine ‘kahna’ seekha..
Apni bhaavnaon ko abhivyakti dena seekha..
Bahut kuchh sanjoya aur baantna seekha..
Hasna rona aur doston ke saath jeena seekha ..
Aaj us iland ki smritiyon ko ek nayaa jaama de rahi hoon ..
Rediffblogs mein aane waalon ko Rediffiland ki pataaka saunp rahi hoon..
Jaise ek ghar ek parivaar se sabhi milte the yahaan kabhi ..
Phir us ghar ko jodne ki zimmedaari de rahi hoon ..
Jo ab bhi hain iland ke vaasi yahaan par ..
Unko shubhkaamnaen de rahi hoon..
Bhoolna mat ..jo tha jaisa bhi tha ,apna tha ..
EK ILAND AISA BHI THA..
