rediff.com
Hi Guest
Log in | Sign up

checkmate’s blog

its me Lata R. Ojha
Subscribe

EK BOOND SI JI LOON…

July 30, 2010 By: Lata R. Ojha Category: just a thought...


http://datastore.rediff.com/h5000-w5000/thumb/696D5C62645B2D2F33/w9am0znasj5odi7s.D.0.Rain_Forest_Tropic.jpg


main bheeg ke baarish mein..har boond sanjo loon..


ek boond ban ke main bhi,ek boond si ji loon..


muskaan kisi hoth ki ban jaun kahin par ..

ya phir barasti aankhon ki nami ko chhupa loon..


kisi chaanv ke badhane mein ban jaun sahaara..

ya sookhte kanthon ko tar kar ke khushi doon..


pyaasi dharaa se sondhi khushbu si udoon main..

ya pihu sun papihe ki kaali ghataa banoon..


ji karta hai main jhoomti barkha ritu banoon..

ek boond ban ke main bhi ek boond si ji loon..

http://datastore.rediff.com/h5000-w5000/thumb/696D5C62645B2D2F33/dsbfqwyu3mivv0kg.D.0.rain1.jpg

Comments (12)

YAAD RAKHNA …:)

May 22, 2010 By: Lata R. Ojha Category: KUCHH YOONHI..

http://datastore.rediff.com/h5000-w5000/thumb/696D5C62645B2D2F33/4b28ryumautiqn8s.D.0.4.bmp
Yoonhi chupchaap kisi mod pe mud jaenge .. 

Ye bure daur jo aaye hain guzar jaenge..

Nishaan jo rah gaye thode se baaki unke..

Wo bhi kuch waqt mein ud jaenge….


Na ruko raah mein kuch duur hi hai manzil baaki..

Ruk gaye to yoonhi tanhai mein murjhaoge..

Chalte jao wahaan tak zindagi sajati hai jahaan..

Baag mein phool ki tarah khil ke khilkhilaoge..


Ashk bas chaar ghadi saath de ruk jaenge..

Honth bhi muskuraa ke thak jaenge..

Sukoon mann ka milega to na bisrega kabhi..

Khush rahoge to bas khushiyaan hi phailaoge..


-lata

Comments (13)

IMPORTANT TO KNOW ..FOR ALL

April 19, 2010 By: Lata R. Ojha Category: Information








LIVE AND LET THEM LIVE TOO..

LOVE NATURE….








AFTERALL WE TOO ARE THE PART OF THE 

 NATURE …

ISN’T IT ??

JUST THINK…

Comments (9)

(: SHUBH PRABHAAT :)

April 03, 2010 By: Lata R. Ojha Category: ek khayaal

 
http://datastore.rediff.com/h5000-w5000/thumb/696D5C62645B2D2F33/1cf0j4yevnm4zext.D.0.img_2987.jpg

KHUSHIYON KE HAR EK PAL KO BHARPOOR

JEE LIJIYE..

AUR UNKI YAADON KO SAHEJ LIJIYE

..KYONKI..

JEEWAN KE KATHIN SAMAY MEIN YE HI

YAADEIN

JEENE KA HAUSLA BHI DETI HAIN ..

HAI NA :) ?

have a great weekend :)

-lata

Comments (4)

(: SHUBH PRABHAAT :)

April 02, 2010 By: Lata R. Ojha Category: SHUBH PRABHAAT


http://datastore.rediff.com/h5000-w5000/thumb/696D5C62645B2D2F33/bs2bn8hykjxkm8rn.D.0.Dahlia-decorative-yellow-flower.jpg



Kabhi kabhi hum koi kaam jo soch ke karte

hain..ho jaata hai us ka vipreet ..

Lekin..ghabraane se kuch nahi hota..

Us kaarya ko agar sudhaar nahi sakte to ..

Ishwar ke haathon mein saunp dijiye :)

‘Unke’ paas har kathinai ka hal hota hai…

Hai na :) ?




have a nice day….

-lata :)


Comments (4)

SHUBH PRABHAAT

April 01, 2010 By: Lata R. Ojha Category: SHUBH PRABHAAT



http://datastore.rediff.com/h5000-w5000/thumb/696D5C62645B2D2F33/mbex95jbe2fcy1wj.D.0.Camellia_Tristem_Carlyon.jpg


JAISE HAATH KI HAR UNGALI ALAG HOTI HAI

WAISE HI.. PARIVAAR KE HAR SADASYA

KA SWABHAAV ALAG HOTA HAI ..LEKIN KISI

EK KE BHI NAARAAZ HONE SE

GHAR MEIN UDAASI HO JAATI HAI ..

HAI NA? :)



Have a nice day :)


-lata

Comments (4)

AAVASHYAKTA..

March 23, 2010 By: Lata R. Ojha Category: expression only


http://datastore.rediff.com/h5000-w5000/thumb/696D5C62645B2D2F33/wrcry9wlgxfhsqvp.D.0.The_most_beautiful_cactus_flowers_(10).jpg 

AAVASHYAKTA..

Kiski?.. kitni?.. kyon?..kab?

Prashn anek..

Uttar..vibhinn…

Aur aavashyakta..???..

Har ek ki…

Ye vivashta nahi..

Vyavastha nahi..

Ye to soochak maatr..

Jigyaasa ki..Pragati ki..

Gati jeevan ki ..

Abhivyakti ki..

AAVASHYAKTA VYAKTI KI  …


-lata

Comments (13)

Kabhi -kabhi..

March 13, 2010 By: Lata R. Ojha Category: expression only

Usko bhi toofaanon se ladna hota hai..

Jo jeewan shikhar pe khadaa hota hai..

Mushkilein ang hain is jeewan ka..

Sabhi ko tang galiyon se guzarna hota hai..

Kabhi -kabhi..
 


http://datastore.rediff.com/h5000-w5000/thumb/696D5C62645B2D2F33/n57x1ghsjd72fnl1.D.0.extra_large_image2701.jpg



Raas kyon aati nahi auron ke ghar mein raunak  ..

Kyon khaali lagta hai daaman harpal apna hi..

Kyon khatakti hai kisi aur ke chehre ki hansi..

Sabki aankhein barasti hain,dard milta hai..

Kabhi -kabhi..


Saath hai jo bhi, uski kadr, karni hogi..

Tabhi khushhaal hum sabhi ki zindagi hogi..

Ashk bhi to zaroori hain ,khushi samajhne ko.

Aakhir kaanton se bhi zeenat hai hoti.

Kabhi - kabhi … :)



-lata

Comments (15)

Kabhi mujhse jo usne mohabbat ki hoti..

March 12, 2010 By: Lata R. Ojha Category: ek khayaal



http://datastore.rediff.com/h5000-w5000/thumb/696D5C62645B2D2F33/jgfo2ktsk9oh8kz2.D.0.The_most_beautiful_cactus_flowers_(1).jpg


Kabhi mujhse jo usne mohabbat ki hoti..

Uski aankhon mein bhi to nami hoti..

Dil tootne ki aahat to sunleta wo..

Mere ashkon ki kuch to kadr ki hoti..

Kabhi mujhse jo usne mohabbat ki hoti..



Mere zard chehre ko dekh ro deta..

Khushk labon ko aas de deta..

Sooni aankhon mein kisi khwaab ki jhalak hoti..

Usne pal bhar  ko jo aankhein melaayi hotin..

Kabhi mujhse jo usne mohabbat  ki hoti..


Ret ka dher tha wo lehron mein simat sa gayaa..

Khaak khwaabon ke meri rooh mein bikher gayaa..

Main ro deti jo palat ke dekh leta wo..

Kaash..usne itni to taqleef ki hoti..

Kabhi mujhse jo usne mohabbat ki hoti..



Jo hua tha naseeb dono ka…

Do kadam chal ke saath jo choota..

Kitne khush hote jo wo do kadam bhi na chale hotey..

Dil dhadakta,rooh sukoon se hoti..

Na kabhi mujhse jo usne mohabbat ki hoti..



 

Comments (18)

Kuch naye se apne..

February 22, 2010 By: Lata R. Ojha Category: expression only

http://datastore.rediff.com/h5000-w5000/thumb/696D5C62645B2D2F33/kl6o3l8u96kdknhb.D.0.The_most_beautiful_cactus_flowers_(4).jpg



Wo phoolon se naazuk sapne..

Na jaane kahaan kho gaye..

Hausalon se bhaare shabd ..

Hawaa ho gaye..

Jinhone tha kiya wadaa saath umr bhar rahne ka..

Waqt ki lehron mein kahin gum ho gaye..

Jo kaante nikaalte the rooh se meri..

Jaane kyon ab nashter chubhone hain lage…

Mere puraanepan ko the jo saraahte sambhaalte..

Wo mere apne naye ho gaye..



           - lata

Comments (16)

← Previous Entries
Next Entries →