Raat bhar…

Raat bhar..

Kaash ! woh jaan gayaa hota

Ek sadi kaise gujaari maine

Aankhe nam rahaa karin

Lab thartharae hain….

Aansuo ne kitni baar

Bhigoya hai takia mera

Andheron ne

Baar -baar ghera hai mujhe.

Biyabaan mein use talaasha karti,

Ghoorti meri aankhen

Maanind khule gulaab ki paankhen

Nishaan dhoonti,

Uske kadmon ke–

Chatakti hui ret par

Jheel ke kinaaron par,

Jharnon ke aagosh mein,

Bhatka kiye mere kadam

Raat bhar ….