rediff.com
Hi Guest
Log in | Sign up

 

Achanak ek mod par main us se takda gaya

Posted in Love, Poetry on 03/15/2010 07:48 am by DrVikash Mangal

Achanak ek mod par
main us se takda  gaya

Ek bhula huya sapna
jaise yaad aa gaya.

Uski baaten karne ki
wo chanchal adaa,

Kesh lahrane ki
uski  balkhati fiza.

Ungli danton mein
hamesha dabaye huye,

Chup chup nazar
churane ki uski nazuk adaa.

So so bijliyan jaise badan
par giren,

Uski  kasame khalane ki  kamsin adaa

Kaise bhul sakta hoon
main wo chandani raaten

Jab usne ki thi do
pyar ki baaten.

Senkdo jugnuyon ki
chamak chandani

Uski  madhosh nazron ki wo ragni.

Wo manzar aaj mujh ko
nazar aa gaya

Achanak aaj main us se
takda gaya,

Ek bhula huya sapna mujhe yaad
aa gaya


 

Gane ko aaj mera kyun mann machal raha hai

Posted in Poetry on 11/22/2009 11:41 am by DrVikash Mangal

Dr.Vikash Mangal

Gane ko aaj mera kyun mann machal raha hai

Mere meet tum bhi gayo mera mann machal raha hai.

Gaon ki pag dandi aaj phir se khojti hai’

Kheton ki pili sarson mere mann ko mohti hein.

Dhanon ki dhani chadar pheli chahu disha mein

Kahin Mor nachte hein, kahin koyal geet gaye.

Gaon ke ye manjar mere mann ko mohte hein

Gane ko geet inke mera mann machal raha hai

Mere meet tum bhi gayo mera mann machal raha hai

Ye kalkalati nadiyan ye bekhauf bahte nale,

Ye jharjharate jharne uppar se badal kale.

Subah sham ke ye manjar mere dil ko mohta hai,

Gane ko inki geeta mera mann kyun khojta hai.

Gane ko aaj kyun mera mann machal raha hai.

Mere meet tum bhi gayo mera mann machal raha hai

Makki ki garam roti par der sara makkhan,

Chhach ka ek lota, sarson ke sag ke sang .

Ganne ke ras ko peene ko aaj mann machal raha hai

Gane ko aaj mera kyun mann machal raha hai.

Mere meet tum bhi gayo mera mann machal raha hai


 

Jaise purnima ka chand utra jheel ke kinare.

Posted in Love on 11/07/2009 09:22 am by DrVikash Mangal

Jaise purnima ka chand utra jheel ke kinare,

 

Jaise purnima ka chand utra jheel ke kinare,

Chandi bikhar gayi, jaise jheel ke kinare .

Kitne manoram drishya hein dekho jheel ke kinare,

Jad gaye hon jheel mein salma aur sitare.

Ye kaun navyovna shringar kar rahi hai.

Heere bikhar gaye hein jaise jheel ke kinare

Ye shant shant jheel ka ye sheetal sheetal pani,

Kaise ubalna laga hai dekho jheel ka ye pani.

Aag kyun lagne lagi ye jheel ke kinare,

Toofan kyon uthne lage ye jheel ke kinare.

Na jane kahan se Kanha ne ye madhur taan chhedi,

Radha machalne lagi hai dekho jheel ke kinare.

Aise mein koi kaise madhosh ho na jaye ,

Navyovna khadi ho kisi jheel ke kinare.

 

 
 

Phursat ke Chhano mein

Posted in Poetry on 10/30/2009 10:43 am by DrVikash Mangal

       Research work ke baad  


Living in out side of my country for research works for more
than seven years, I have finally decided to live and serve my own
to live in my own country. Whenever I feel free, I take part in Indian culture.


     Phursat ke Chhano mein



Phursat ke Chhano mein jab gata hoon,


Meri aankhon se aanshun jharte hein.


Kuchh kahte hein ye aanshun hein,


Mere mitron ko moti lagte hein. 


Phursat ke Chhano mein geet likhun,


Mere mukh se bol nikalte hein.


Kuchh kahte hein ye baaten hein,


Mere mitr ise kavita kahte hein. 


Phursat Chhano mein jab saaz chhuyun,


To sur ki lahar nikalti hein.


Kuchh kahte hein ye shor-e-gul hai,


Mere mitr ise vaadan kahte hein. 


Phursat ke Chhano mein jab main thirkun,


Barbas mere pair machalte hein,


Kuchh kahte hein pagalpan hai ye


Mere mitr ise nirtan kahte hein. 


Phursat ke Chhano mein kisi ko dekh bhi loon,


Mere mann mein bhav umadte hein.


Kuchh kahte hein keval dhong hai ye,


Mere mitr dosti kahte hein. 


Ab kahan tak ginayun main kya hoon,


Main kuchh bhi nahi tum hi tum ho.


Main kuchh bhi nahi tum hi tum ho,


Main kuchh bhi nahi tum hi tum ho.



Dr. Vikash Mangal.