World Cup 2011
Ho gai hai Balle Balle. Chak De India.
India ke World Champion Hone par Badhaiyan. Dhoni Ke 6 Marte hi Pura Desh Jashn me Doob gaya.
Allahabad me Chowk mem Ek sath, Holi, Diwali, Dussehra, 15th Aug, 26th Jan Manaya Gaya. Ek taraf Patakhe Chal rahe the to Wahin par Holi ke Rang se log Sarabor the. Sab ke Andaz Nirala tha. Rat jaroor thi lekin Dilon me Ujala tha. Na koi rok-tok thi na koi bahana. Bhid me Junoon ka sailab Hiloren le raha tha uske aage sab Sunami Fail the.
Aisa koi nahi tha jo apne ko rok le Aur Khushi ka izhaar na kare.
Apne–Apne Gharon me Humne Diwali ki Jhalaren Lagain. Shankh Bajakar Jeet se Ahaladit Huye. Bachche, Bude, Jawan, Ladke Aur Ladkiyan, Aur Mahilon ne Apni Khushi ko Parwan Chadhte Dekha. Sab ki Jaban par ek Hi Naam—- Dhoni-Dhoni. 200 Run Par Karte hi Jeet Ki Mahak Aane Lagi thi jo Gautam Gambhir ke Shot ke karan kuch Dhimi lagne lagi Thi. Lekin Yuvraj ke Hone ka Ahsas bhi Kahin se kam nahi hone de raha tha.
Phir Raina Haina.
Ek Baar Bharat ne Turnament me Apni Fieling Sudhari to Baki Sabhi Ki Fielding Bhigad Gai - Chahe vo Australiya ho ya Pakistan ho, phir Chahe Sri Lanka. Sab ki Filelding Bigad gai Jisne Bharat ko Champion Bana Diya.
Lanka Dahan me Bhartiya Batting World Champion Ki Tarah Kheli. Sahwag ka Wicket girne ke baad Sare Bhartiya Apni Maand me the Lekin Gambhir aur Virat ki Jodi ne jo neevn rakhi Uspar Dhoni me Kila Bana kar Tiranga Phahra Diya.
Jai Ho, Jai Ho.
Hum Apne ko Rok Nahi Pa rahen hain Aur Aaye hai Aap Sabko Badhaiya Dene.
