rediff.com
Home > Poetry > Uski Baatein….!!!

Uski Baatein….!!!

http://datastore.rediff.com/h5000-w5000/thumb/5E636B61725B752F333632/lw9l5bl3g9e1d8hi.D.0.j0430627-main_Full.jpg

Har dukh mera baanta,bas gham apna sunana bhul gaye.

Farz to usne khoob nibhaya,bas haq jatana bhul gaye.

Sabke zakhmo ka marham ban-na mujhe usine sikhaya,

Bas khudke zakhm kaise seenchu ,mujhe ye sikhana bhul gaye.

Zindagi se aashna karke mujhse kaha ye teri nahi,

Manzil dikhakar meri mujhe uss tak pahunchne ka raasta dikhana
bhul gaye,

Kaha ke apne aansu chupa kar rakhna,ke sab kamzor samjhenge
tujhe,

Par khud apni bheegi palkhen humse chupana bhul gaye.

Vo ek pal tha jisme unki aankhon ne haal-e-dil suna diya.

Sunkar vo dard unki aankhon se apni nazar hatana bhul gaye.

  1. April 22nd, 2010 at 12:15 | #1

    ultimate
    “Vo ek pal tha jisme unki aankhon ne haal-e-dil suna diya.
    Sunkar vo dard unki aankhon se apni nazar hatana bhul gaye.”
    touching lines

You must be logged in to post a comment.
Copyright © 2014 Rediff.com India Limited. All rights Reserved.  
Terms of Use  |   Disclaimer  |   Feedback  |   Advertise with us