incompletedestiny’s blog

Koi To Hota Yahaan, Mai Jiske Dil Ki Kitaab Banta.

Koi To Hota Yahan, Mai Jiske Chaahat Ka Khwaab Banta.

Kisike Hijr Ke Mausam Ki Lambi Raaton Me,

Mai Ek Yaad Banker Uski Aankho Me Sajta.

Koi To Hota Jo Meri Khwaahish Me Uthkar Tanhaa Raato Me
Rota.

Mere Gham Ko Apnakar,Zamane Ki Jhuti Chaahat Se Dur Hota.

Agar Mai Ruth Jaata To Mujhe Manaata Chaahe Mera Kasoor
Hota.

Koi To Hota Yahaan, Jo Meri Tanhaai Me Mere Kareeb Hota.

Aaj Paas Hai Zamaane Me Har Koi Mera Raqeeb Banker,

Koi
To Hota Yahan, Jo Iss Anjaan Mehfil Me Bas Mera Habeeb Hota.

Agar Bichadne Se Pehle Vo Mujhe Kuch Pal Deta To Unse Ye
Kehna Tha

Ke Mai Uski Haatheli Par Ek Khwaab Rakh Kar Bhul Aaya
Hun.

Jin Raaston Par Chale The Kabhi Hum Ek Dusre Ke Saath,

Unhi Raaho Par Uski Aankho Me Bharne Ke Liye Ek Hasrat
Bhul Aaya Hun.

Agar Mujhe Vo Kuch Bolne Ki Ijaazat Deta To Ye Kehna Tha,

Apni Tanhaayi Me Mai Jin Alfaazo Ki Maala Pirota Tha,

Unn Lafzo Ko Main Shakl-E-Tehreer Dena Bhul Aaya Hun.

Ye Aankhen To Uske Deedar Ko Tarasti Hai Har Pal,

Bas Isme Basi Hai Jo Surat Uski,Mai Use Bhulaana Bhul
Aaya Hun.

Kabhi Mili Thi Jo Mujhse Tere Milne Ke Baad,

Kisi Raaste Par Mai Vo Zindagi Bhul Aaya Hun.

Milkar Bhi Na Mili Si Hai Har Khushi Meri,

Shayad Tere Baad Mai Kahin Apni Hansi Bhul Aaya Hun.

Tere Saath Ka Matlab Hi Hai Ye Zindagi Meri

Tere Bagair Mai Apni Har Khushi Bhul Aaya Hun.

Kabhi Likhi Thi Jo Maine Bhi Apni Mohabbat Ki Kahani,

Aashko Ke Sagar Me Kahi Mai Vo Adhuri Daastaan Bhul Aaya
Hun.