kyon simati aathi si lagthi hai  saari zindagi ,

yun ek lamhe ke aalingan mein  qaid hone ko jaise..

kyon us lamhe mein, saari kaynath tum mein simat-thi si mehsoos hoti  hai aise

kyon  tumhaare seene ki  kashish,humein pukar uth-thi hai yun dur se

ke  rooh meri taras jaathi hai, kaampthi hui,tum mein sama jaane ko jaise ……

sunthi hongi, tumhaari bhi dhadkanein, fazaon mein gum,in sadhaon ko kabhi……

tabhi toh  labon se tumhaare , nikal jaathe hain,  kabhi kabhi mere yeh dhun….

na ummeed, na aarzoo, na justaju ki koi gunjaaish…

na kasmein, na rasmein, na saath nibhaane ke waadein……

faasle tab bhi  the, ab bhi toh hain..

phir yeh darmiyaan, dhadkanon ka shor kyon…….