Kuchh diye aaj jalayein…
un yaadon un shaamon ke naam…
jo beet gayien… sadiyon pehle.
Dhundhle kohre se dabi,dhhaki si aaj…
kuchh yaad aatien, kuchh gudgudati…
kuchh palkon ke kono se sehsa jhilmilati.
Kya kuchh chhod aaye hain peechhe…
kuchh khatta…kuchh meetha…
aur kuchh kahin thoda kadwa bhi?
Kuchh kho sa gaya hai….
Woh umang,woh khilkhilahat,
woh shokhi.woh masti..
Main hi thi woh?
Shayad main hi thi.
Aur jo kho gaya…
woh hai shayad…
mera pyara sa bachpan:)
Anu
0 Responses
Stay in touch with the conversation, subscribe to the RSS feed for comments on this post.