ANAM RISHTA….!!
Posted in Fantasy on 01/03/2009 07:33 pm by akhtar rizvi
Tujh se milne ke bad lagta hai,
jaise sadiyon se apna rishta hai..!
teri tasveer hai nigahon me
teri aahat hai dil ki rahon me
koi sapna hai ya haqeeqat hai
hai tera jism meri banhon me
yad me teri dil tarapta hai
tujh se milne ke baad lagta hai…..!
tu hai tabeer mere khwabon ki
rooh tujh se hai mere geeton ki
jis se roshan hai zindigi ka chiragh
tu hai aisi kiran ujalon ki
bas tera intezar rehta hai,
tujh se milne ke baad lagta hai…..!
tu nahi hai to zindigi kaisi
meri ankhon me roshni kaisi
tere dum se hai har khushi meri
warna honton pe yeh hansi kaisi
umr bhar kaun sath deta hai,
tujh se milne ke baad lagta hai…..!
koi ummeed koi aas nahi
koi sarmaya dil ke paas nahi
tune tora hai pyar ka rishta
ab mujhe zindigi ki aas nahi
is tarha bhi koi bicharta hai,
tujh se milne ke baad lagta hai,
jaise sadiyon se apna rishta hai