“NAHI TO…”

NAHI TO…

Yeh gham kya dil ki aadat
hai? Nahi
to
Kisi
sey kuch shikaayat hai? Nahi to


Hai wo ik khaab-e-bey taabeer us ko
Bhula dene ki neeyyat hai? Nahi to


Kisi k bin,kisi ki yaad k bin
Jiye jaaney ki himmat hai? Nahi to


Kisi soorat pe ab  dil lagta nahi? haan
To kuch din sey yeh haalat hai? Nahi to


Mujhey jis ney kaheen ka bhi na rakh’kha
Wo ik zaati si wehshat hai? Nahi to


Mere is haal par hai sab ko heirat
Mujhey bhi iss pey heirat hai? Nahi to
 

Hua jo kuch yehi maqsoom tha kya?
Yehi saari hikaayat hai? Nahi to

Azeeyyat naak ummeedon sey tujh ko
Amaan paaney ki hasrat hai? Nahi to

Tu rehta hai khayaal O khaab mein gum
To is ki wajha fursat hai? Nahi to


Wahaan walon sey hai itni mahabbat
Yahaan walon sey nafrat hai? Nahi to


Sabab jo is judaai ka bana hai
Wo mujh sey khoobsoorat hai? Nahi to…

Nahi
to… Nahi to… Nahi to…

                               - SHAN (Shahanawaj)