Bala ki Khubsurat ho tum

Bala ki khubsurat ho tum,
asman se utri hui,
koi apsara ho tum,
chand kahun tumhe
ya kuchh aur,
dil chahta hai,
kah dun ke hire se bhi jayda
khubsurat ho tum,
par kya karun,
chand me bhi daag dikhta hai, a
ur hira to patthar hota hai,
tum to bedag, komal aur….
bala ki khubsurat ho tum….
Yun to dekhe hain
kai khubsurat chehre humne,
Yun to dekhe hain
kai khubsurat chehare humne….
kitni hi baar sachi jhuthi
tarifen bhi ki hai humne…
lekin tumhe dekh kar
shabad kam padte hain…
Ahsas ulajahen lagati hain
Aur hum bebas se ho jate hain
Na soch pate hain
na samajh pate hain
itni khubsurat ho tum….
kyun itni khubsurat ho tum…
Koi aur bhi
itni khubsurat ho sakti hai kya

Bala ki khubsurat ho tum

Tumhe dekh kar jane
Kitne sapne snajo lete hain
Tumhe dekh ke
apne sare gam bhula dete hain
Ek aah nikalati hai dil se
aur
juban tak aati bhi nahi
sine me dafan ho jati hai
Tumhe pana chahte hain
lekin… hum janate hain
tumhe chhu bhi nahi sakte
tum asaman ki pari ho
aur main
zameen ki dhul
hawa ke sath uthata hun
tum tak pahunchane ki aas me
aur haar kar fir
aundhe muh gir padata hoon
Main apni jagah pahchanata hoon
fir bhi jane kyun tumhe chahta hoon

Kaise paa sakta hoon tumhe
jabki mujhe khabar hai
main ek mithi ka putla
aur sone ki gudiya ho tum,
nahi nahi.. tum to…
naram mulayam makhan ki gudiya ho tum
Bala ki khubsurat ho tum