Jab koi nahi tha, saya sath tha.
Chamakte ujjalon ne kabhi daraya nahi
Lekin madhyam hoti kirne darane lagi
Sanjh hone wali hain batane lagin
Yun hi akela ladata raha ab tak
Ab akelapan mujhe satane lagi hain.
Wo din bhi kya din the, jab,
Din bhar dhamachaukri karte the aur
Sanjh dhale hi bistar par padte the.
Bistar koi paribhasha nahi thi tab,
Kab chulhe ke paas,
maa jaha rotiyan belti thi
kabhi kaam wali k paas kahaniya
Sunte sunte hi ankhe lag jati thi.
Sare ghar wale so jate the jab garmiyon ke din me
Hum apni duniya nai kahaiyon ki banate the
Din bhar dhoop me bhagte the.
Aur sanjh dhale hi nidhal ho jate the
Tab aati thi maa, Din bhar ke thakan ke baad bhi
Hamare pairon me tel laga jati thi
Wo ek sparsh tha jo sari taqlife
Chhu kar deta tha, aise jaise
Sugriv ke ghav bharen hon raam ke sparsh se.
Ab wo hath nahi dikhte,
jo andhere me tham len humen
Ab ankhon ko nind nahi aati,
chahe makhmali bistar hi mile ho humen
Ab thakan nahi mit ti,
chale lakh dawa khai ho humne
Tabhi madhyam kirne suraj ki daarati hain
Kitne akele hain bhari duniya me
Ehsas kara jati hain
Din ke ujjale me, akela nahi tha.
Jab koi nahi tha, saya sath tha.
Chamakte ujjalon ne kabhi daraya nahi
Lekin madhyam hoti kirne darane lagi
0 Responses
Stay in touch with the conversation, subscribe to the RSS feed for comments on this post.