Father : beta ye lo 20 rupees mummy se mut kahna k main nokrani k sath soya tha.
beta : dad aap bohat kanjoos ho mummy pore 50 deti hain jab woh driver k sath soti hain.
Friends' Update
-
Loading ...Please wait..
Zindagi tujhe humne kya nahin diya
Zindagi tujhe humne kya nahin diya,
Zindagi bhar khud ko lutate rahe
Tere daman me khushiyon ke phul
khilte rahen hamesha
Bas itne ke liye humne kitni baar
Maut ko gale se laga liya
Zindagi tujhe humne kya nahin diya.
Ansu pi pi kar tere hothon ko hansi diye
Apne din ki roshni chura kar
Teri andheri raton ko roushan kiya
Zindagi tujhe humne kya nahin diya.
Khud ko jeth ki dopahari me jala dia
lekin
tujhe apne saye se bhi chaya diya
Sawan ki barsat me bhi man ko
registan manaye rakha
lekin tere har mausam ko maine
fuharon se gila kiya
Zindagi tujhe humne kya nahin diya
Tujhe Sab kuchh de diya
Fir bhi tumne do pal meri khushi me bhi
Mera sath na diya
Kyun ki itni bewafai
Kis baat ka tha ranz
Jo tumne mujhe zindagi bhar itna
Dard Diya
Zindagi tujhe humne kya nahin diya
Posted in Poetry.
– July 15, 2009
Meri karun pukar
Meri karun pukar,
Mera vihwal chitkar,
Tum shayad sun nahin rahi,
Meri aseem chahat,
Mera anant pyar,
Tum shayad dekh nahin rahi,
Tum hi to thi jo mujhe,
Samajhati thi,
Tum hi to thi jo mujhe harne nahin deti thi,
Kabhi udas nahin hone deti thi,
Tum hi to thi,
Phir kyu akela chhode ja rahi ho,
Jabki tumhe pata hai
Kitna toota aur bikhra hua tha
Tumne hi to sameta tha mujhe
Phir kyu tod kar mujhe,
mere sapno ko yun ja rahi ho,
Yun thokar hi lagani thi,
Fir dil se kyun lagaya tha,
Raste me chhodana hi tha
Mere badhe hath ko thama hi kyu tha
Chhod deti tab hi,
Ab tum hi batao
Kiske sahare rahun main,
Tumm hi bata do.
Hothon ki hansi tumse hai
Tum se alag reh kar kaise muskuraun main
Tum hi bata do.
Posted in Personal.
– May 26, 2009
sabki yaad bahot aati hai -1
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Suraj chupke chupke
jab madham sa hone lagta hai
Ghar ke dwar par wo mera daudana
Mujhe bulata hai
Wo bazar ya phir mele se lautate
log yaad aate hain.
Wo jalebi wala
wo bhunje wali yaad aati hai
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Jaise jaise gehri hoti jati hai
Sanjh aur raat chhai jati hai,
tumara roti banana
pehli roti gaiya ko khilana
yaad aata hai
Yaad aata hai, jab hum rote kehte the,
Amma, bhukh lagi
Tum kehti thi,
Beta sabji abhi nahi bani hai
Phir mamta se tum jab,
Roti Me namak tel chupad kar deti
kabhi gud bhi de deti thi
Wo lipti roti,
wo mere gande hath
yaad aate hain
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Andhere me, khet se lautate
bailon ke gale ki ghanti yaad aati hai
Amma, bahot yaad aati hai
Wo diya jalana,
Aur hamara, har kamare me diya ghumana
Yaad aata hai.
Diye ke roshni me hamara,
Padhana, kisi fatinge ko pakad kabhi
diye ki aag me jhonkana,
Kabhi thodi der me hi kehna,
Amma, ab neend aati hai
Aur tumara dantana,
Yaad aata hai.
Wo master jo sham ko padhane aata tha
Humari shikayat hoti thi, aur wo
khub jam kar pitai hamari usse
yaad aati hai
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Yaad aata hai, taron ko dekhana
aur kai betuke sawal karna
Yaad aata hai, hamara aapas me ladana
Wo bistar par jate hi jab,
Tum dhire dhire mere balon me
unguliyab chalati thi
kahin juye to nahi hain
puchhati thi
Wo ramayan ke dohe sunana yaad aata hai
Mai jo school ki kahaniyan sunata tha
Wo sari baate yaad aati hain.
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Mai jangalon me jab bhag kar jata tha
Aur koi kanta kabhi jo chubh jata tha
wo fatkar, phir dular yaad aata hai
Raat ko tumara swetar bunana,
yaad aata hai
Wo sabse chhupa kar mujhe paise dena
aur, mera wo paise guma dena yaad aata hai
Wo gulak me das panch paise jama karna
phir un paison se khilone kharidna
yaad aata hai
Din bhar ki meri shikayat papa se karna
aur papa ka akbhi kan khinchana
kabhi sirf itna kehna
dekho tumare karan mujhe sab bolate hain
tum aisi galati kyu karate ho
wo baaten Bahot yaad aati hain
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Kheton me bailon ke pichhe jana,
Kabhi kisi gadi ke pichhe daudate
hue dur nikal jana
kabhi kisi ghas katne wale ke sang
pani ke kund par jana
aur tumara
mujhe wahan dhundhate dhundhate aana
aur kehna, tum meri baat nahi sunate ho
ghar se itni dur chale aate ho
isi pani me mai dub kar mar jaungi
Aur Mera pichhe se tumko pakadana
yaad aata hai
wo kagaj aur kapade ko bandh kar gend banana
Miti me khelana yaad aata hai
Wo diye ko ulat dena aur phir chhup jana
darwaze ke pichhe yaad aata hai
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Wo lambe lambe baal mere
aur un balon ko tumara sawanrana
Wo mere mundan ki taiyari karna
Wo mujhe school bhejna
Aur sikhana ki kabhi kisi se ladaii
nahi karna
har baat yaad aati hai
Wo mera school se kalam aur gend churana
phir logon se meri shikayat sunana
aur nayi gend mujhe dilana
yaad aata hai
Kabhi mera paratha mangana,
Kabhi Mera chauki se gir kar pair katna
Kabhi
chhat se ghir kar hath ka tutna
aur tumahara mujhe god me utha kar bhagana
yaad aata hai
Wo raste bhar papa se kehna, papa sui na
aur doctor ka mujhe hi char suiyan lagana
yaad aata hai
Amma, Jab sanjh dhire dhire
suraj ko nigalati hai
Mujhko,
sabki yaad bahot aati hai
Amma, Jab sanjh dhire dhire
suraj ko nigalati hai
Posted in Personal.
– March 4, 2009
Sakhi, Wo Aaj Bhi Nahin AAye
RADHA APNI VYATHA APNE SAKHI SANG BANTATI HAI
Sakhi, dekho aaj bhi wo nahin aaye
Bheji koi pati nahi koi sandesh pethaye
Sakhi, dekho aaj bhi wo nahin aaye
Sare jag ki pida harte hain
Mukh par muskan sabke dete hain
Wo mere ankhon me ansu chhod gaye
Sakhi, dekho aaj bhi wo nahin aaye
Bheji koi pati nahi koi sandesh pethaye
Sakhi, dekho aaj bhi wo nahin aaye
Keh gaye aaunga, mai nit tere sapno me
jate jate lekin wo palaken katar gaye ankhon me
Kaho kaise neend aaye, kaise unke ab khwab aayen
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Madhur Madhur bansi unki
Sakar Sakar kano me padate hain
hum daud daud kabhi atari par
kabhi bagiya me rasta unka nihare hain
wo nahin aane wale, mere man ko kaun samjhaye
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Dekho, wo gaiyon sang van me honge ghumate
do kadam mere dwar kabhi to padate unke,
ramate
Sanjh hote hi wo, ras rachate honge
Gokul ki Gopiyon me wo hume bhul jate honge
Kyu, pida meri unko itna bhaye
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Nahin aana tha jab unko
Yun hi todne the
jab apne wade unko
Kyu naino me vyagrata de gaye
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Maine kab jahan manga,
sath hi to do kshan ka manga
Meri poonam ko amawas kar gaye
hum unki ek nazar ko taras gaye
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Darwaze par koi jara si jo dastak hoti hai
Wo aaye soch kar
Dhadakan badh jati hai
Der talak jab koi aur aahat nahin hoti hai
Mithya toot jati hai
hawa ne shayad saakal hilaya hoga
Maine aksar man ko aise hi samjhaye
Sakhi, dekho aaj bhi wo nahin aaye
Bheji koi pati nahi ko sandesh pethaye
Sakhi, dekho aaj bhi wo nahin aaye
Posted in Poetry.
– February 18, 2009
Ab to aadat ho gayi hai
AB TO AADAT SI HO GAYI HAI…………..
AKELE RAHANE KI………………
AB ANKHON ME CHAND CHUBHATA HAI…………
ROSHANI JALATI HAI,,,,,,
AB ADAT SI HO GAYI HAI
ANDHERE ME WAQT GUJARANE KI………….
KOI FARK NAHI AB KOI AAYE, KABHI
KABHI CHALA JAYE………….
KUCH MEHSOOS NAHIN HAI AB
KISI KHUSHI KA KISHI GAAM KA
AB TAQLEEF HOTI HAI
JAB KOI MERE PAAS AATA HAI
JAB KOI MUJHE APNA BANATA HAI
JAB KOI MUJSE APNAPAN MANGATA HAI
AB BICHHADANE KE DARD EHSAS NAHIN HOTA
AB TO AADAT SI HO GAYI HAI
Posted in Personal.
– February 18, 2009
Aisi aaj barsat hogi
Aisi aaj barsat hogi
Asman se sitare barsenge
Mere angan me aaj chandani utaregi
Aaj mujhse milne chanda ayega
Aaj basant ki matwali hawa chalegi
Kali kali phul banenge
Meri chukhat par aa aa kar
Pakheru sare geet gayenge
Aaj samay thahar jayega
Mere ankhon me simat kar reh jayega
Aisi aaj barsat hogi
Asman se sitare barsenge
Mere angan me aaj chandani utaregi
Aaj mujhse milne chanda ayega
Mujhe koi aawaz na dena
Aaj mai madhosh rahunga
Unki ankho se pikar may
main khud se achet rahunga
Mere neend kab puri hogi
Kab mere sapne sach honge
Wo swapn pari kab meri hogi
Kaise-kab chand mere honge
Aisi aaj barsat hogi
Asman se sitare barsenge
Mere angan me aaj chandani utaregi
Aaj mujhse milne chanda ayega
Posted in Poetry.
– January 8, 2009
Happy New Year
Dear Friends,
Happy New Year to you all……………..
Aaj ki gujarati sham na puchho
Ek ek lamha yaad aayega ab
wo juzare lamhat na puchho
Pal bhagate bhagate se hain
In bhagate palon ke thaharav na puchho
Kuchh andhere the gamon ke
kuchh ujjale the khushiyon ke
sal bhar jo biti baat na puchho
ankhon me roke rakha hai samandar
bit rahe sal ke liye
palakon me samet rakha hai manzar
naye sal ke liye
Aa jane do jo sal naya aa raha hai
guzar jane do ye sal jo ja raha hai
Dekho sal bit ta samjha raha hai
Kabhi rukna nahin, kabhi thamana nahin
Dekho sal naya aate aate batla raha hai
Hausal ek phir karo,
Jo kar sake nahi pichhale varas
Is sal wo pure, adhure kaam karo
Posted in Friends.
– December 29, 2008
Na Puchho
Mere safed libas ko na dekho
Kitne daag hain mere daman me na puchho
Kya kya nahi kiya maine duniya ke liye
Har chehara magar mujhse khafa kyu hai na puchho
Mere hothon ke hansi na dekho
Kitne ansu palko par hain na puchho
Patthar Patthar kat kar rasta banaya
khud hi kahi patthar na ho jau na puchho
Mere khyal me jo ab bhi dube hain
Kitne taqlif me hoon jakar unse puchho
Mai chala tha sabko khush karne
ab kitni ankhe lal hai mujh par na puchho
Ye hansate hue chehare hain, phulon ke guladaste
kitne kante chubhe hain mere sine me na puchho
Kitni taliyan sun rahe ho
Kitni uthi hai ungaliyan mujh par na puchho
Posted in Gazalen.
– December 22, 2008
LORI
Meri gudiya aaja tujhe main lodi suna dun
ankhiyon me teri nindiya bula doon
Dekho chanda ki ankhiyon me bhi neendia samai
phulon ne odh lee hai os ki rajai
Sara jag soye ab
tu hi kyu jage
Aaja tujhe bhi main sula dun
Meri gudiya aaja tujhe main lodi suna dun
ankhiyon me teri nindiya bula doon
kahe tujhe neendia naa aaye
kahe tu itni mujhe sataye
Dekho tare bhi sone chale hain
raat ghir aayi hai
sab so gaye hain har ore andhere hain
Meri gudiya aaja tujhe main lodi suna dun
ankhiyon me teri nindiya bula doon
tu kahe to koi kahani suna dun
Aaja tujhe main bahon ka jhula doon
Dekho pariyon ke gaon se nindia hai aayi
meri bitia ko koi na jagaye
Meri gudiya aaja tujhe main lodi suna dun
ankhiyon me teri nindiya bula doon
Posted in Lori.
– December 22, 2008