Need of Sex

Sex prakiti ki di hui ek anmol vastu hai. Is prithvi par jitney bhi jeev hain, wo chahe manushya ho, ya koi jaanvar ya phir kide-makode, sabhi sex karte hai. Sex ek aisi vastu hai jisase aajtak na to koi bacha hai aur na to bach hi sakta hai. Jab bade-bade rishi-muni apne apko nahin sambhal sake tab phir aam insaano ki baat hi kya hai. Jo apne aapko baal-brahmachaari kahte hain, jane-anjane bachpan mein ve bhi sex se gujar chuke hote hai. Kahne ka tatparya ye hai ki is prithvi par har ek jeev k liye sex anivarya hai.

Ek mahan psychologist Mr. Frayed ne to yehan tak kah diya ki insaan ko mentally fit rahne k liye daily kam-se-kam ek baar sex avashya hi karma chahiye. Kyunki Sex k baad insaan saare tensions se kuchh samay k liye relax feel karne lagta hai.

Western countries mein to free sex ki avdharna hai. Lekin hamare Bhartiya Samaj mein isko samajik bandhno mein bandh kar rakha gaya hai. Iske peeche bahut gahre rahashya hain. Hamare rishi-maharshiyon ne bahut pahle hi is baat ko samajh liya tha ki ydi sex ko free kar diya gaya to aage chalkar iske gambhir parinam honge. Isliye unhone tamam tarah k samajik risto ko banakar sex ko limited kar diya. Aur sirf apne jeevan saathi se hi sex karne ki agya di. Jo insaan samaj k in rules ko nahin manta tha, use samajik rules k anusar punish kiya jata tha. Tatha use heya ( giri hui dristi) se dekha jata tha aur use samaj se alag kar diya jata tha. Phir us insaan se koi bhi samajik vyakti apna sambandh nahin rakhta tha.

Lekin aaj afsosh to is baat ka hai ki hamara samaj jo kabhi itna uchchhkoti ka tha aaj khud patan k gart mein girta jaa raha hai. Aaj apko newspapers aur Tv channels par aise news  daily sunane aur dekhane ko mil jayenge ki aaj ek nabalig ladki k saath rape ho gaya ya phir ek bhai ne apni bahan ki izzat ko sharmshar kar diya. Ya phir riste ki deewaron ko todkar amuk vyakti ne apni havash ki pyas bujhai.

Doston, psychology k anusar yeh baat bilkul sahi hai ki insaan ko mentally fit rahane k liye sex karma anivarya hai, lekin iska matlab ye nahin ki kisi k bhi saath sex kiya jaye.