ab pachhtaye hot kya jab chidiya chug gayi khet

Ek baar ek insaan akele apni masti mein khoya hua kahin chala ja raha tha. Raste mein usko ek patthar ka tukda dikhai pada. Usne us patthar k tukde se kaha, dost ydi tum chaho to main tumhari taqdeer badal sakta hoon. Us patthar ne kaha arrey ja ja.. Apni taqdeer to badal nahin saka aur meri taqdeer badalne chala hai. Yeh kahkar us patthar ne us insaan ko manaa kar diya. Raahgir aage badh gaya. Usko raste mein ek doosra patthar dikhai pada. Usne phir us ptthar se kaha "dost ydi tum chaho to main tumhari taqdeer badal sakta hoon". Patthar k tudke ne poochha "kaise".  Us insaan ne kahaa ki tumhe kuchh taqleefen sahni padengi. Main tumhe ek achhi si moorty banaa kar kisi mandir mein pratisthit kar doonga aur  is tarah se tum roz-roz logo k pairon ki maar khane se bach jaoge. Phir daily tumhari pooja-archana hogi. Log tumhare saamne shraddha se shir jhukayenge. Aur apni minnaten mangege. Tumhre upar Gagna jal aur Gai (cow) ka doodh chadhaya jayega. Phal, mithaiyan aur pakwan tumhe chadhaye jayenge.  Yeh sunkar wah patthar taiyar ho gaya.

Ab kyat ha. Us insaan ne ek bahut hi achhi bhagwan ki moorti us patthar se banai aur use ek mandir mein le jakar pratisthit kar diya. Ab job hi us mandir mein aata. Shraddha se uske samne natmastak ho jata. Usko phal phhol meve mithaiyan pakwan adi chadhne lage. Aur wah patthar logo k pairon ki maar khane se bhi bach gaya.

Ek din pahle wala patthar kisi tarah se mandir wale patthar k paas pahuch gaya aur bola, dost tumhare to bahut maje hain. Tum to daily doodh aur gangajal se nahate ho, tumhare upar log phoolo ki varsha karte hain, Phal meve mithaiyan adi ka tumhe bhog lagaya jata hai. Aur main ek aisa patthar hhon ki log mujhe roz-roz pairon ki thokar marte hain aur mujh par thookate hain. Moorti wale patthar ne kaha, dost maine is place tak pahuchane k liye bahut taqleefen sahaa hai. Karigar ne chhinni aur Hathaudi se mere upar bahut waar kiya hai. Main itni taqleef mein tha ki apna dard kisi se kah bhi nahin sakta tha. Lekin ab jab main sochta hoon to yhi lagta hai ki mera wo dard to kuchh bhi nahin tha. Kyunki kuchh pane k liye kuchh khona bhi padta hai. Maine us samay jo dard sahe the aaj usi ki badaulat meri pooja ho rahi hai aur log mujhe doodh aur ganga jal se snaan kara rahe hain.

Pahle wale patthar ne kaha, dost, wah karigar pahle mere hi paas aaya tha. Par maine use nirash karke lauta diya tha, aur usase kaha tha ki tum jab apni khud ki taqdeer nahin banaa sake to meri taqdeer kya banaoge. Par ab samajh mein aaya hai ki taqdeer to hamesha doosre log hi banate hain ya phir banane mein madad karte hain. “Akela chana bhad nahin phodta“. Kas ydi maine us din us karigar ko nirash na kiya hota aur uske saath abhadrata ka vyavhar na kiya hota, to aaj jahan tum ho wahan main hota, aur jahan main hoon, waha tum hote. Lekin “ab pachhtaye hot kyam jab chidiya chug gayi khet“.

***************Surendra.