Archive for June 28th, 2011

More saiyan to hain pardes, main kya karun sawan ko……..

June 28th, 2011

Saawan ye barsata jab bhi hai

Mere sukhe zakhmon ko aur bhi

Gila kar jaata hai……

Aur main ateet ke nishaan

Inn boondun me dhoondti reh jaati hun.

Par jab bhi inn boondun ko

Haathon me leti hun….

Ye mere haathon se fisal jaati hain

Aur mere naino mein utar aati hain.

Iss baar par ye saawan

Badla-badla lagta hai….

Tum bin ye boondein bhi

Khalish lagti hain mujhko

Aur kaanton si chubhti hai badan mein…..

Kya tumko bhi firdaus mein

Aisa hee lagta hai mujh bin ???

Manju

Posted in Blogs

2011 | A Rediff.com India Ltd. Site.