Jindagi Ki Subah
Jindagi ki Subah eik kilkari se hoti hai, Dagmag Kadamo pe chahakati, Komal pallavon ka ahesaas deti, Har pal naya karane ko aatur /
Massom athkheliyan, Chand ki jid karti, Pure jag ko apanane, Banhe ootha goud mein aane ko machalati /
Gudde-Gudiya, Reit ke Gharounde aur hatheli par Aasmaan, Sare sapne pal mein saakar karti /
Jindagi Ki Shaam
Jindagi ki Shaam dheeme se aati hai aur thahar jaati hai, Ghar ke angan mein, Darakhton ke shikhar par, Alsaai hui si, Thake kadamon ko thoda aaram deti /
Anubhavon ki Pitari se, Seekh ke Moti bantati, Jhilmil ankhon se sneh barsaati, Jiski goud mein aakar Subah soo jaati hai chain se, Chhanv mein dher sa sukun paati /
Apni din bhar ki baatein yaad karti, Apne adhure sapano ko pura hote dekhati, Oose koi jaldi nahin Dhalane ki, Hamesha eik nayi Subah ka intejaar karati /
aap ki har rachna……………….gahen soch ke sath likhi jati hai……………………..jo ki ek manjhe hue rachnakaar ki nishani hai…………………….nice one!
Wow..!! so beautiful, Vikas… are you professional ?? Bahot hi achchhi rachana ki hai aapne. Really very nice.
beautiful….touching lines
Nice post …