rediff.com
Skip to content


Sarkar fizool kharch kam kare

         Main jab peechhe murkar apne desh ko dekhta hoon to ehsas hota hai ki is mahan loktantrik desh me sarkari taur par kitna  fizool kharcha kiya jata hai. Misal ke taur par Rozana hone wale sarkari samaroh, Udghatan, Protocol, VIP Securities, Bar bar desh me hone wale Elections etc.  etc..Sirf in fizool kharchon ko yadi rok/ simit kar diya jaye to desh me saikron school/college, hospital, kal-karkhane….kholey ja sakte hain ya doosre vikas ke karya kiye ja sakte hain.


          Zara sochiye …Prajatantrik desh me bar bar honewale chunao par kiya jane wala kharch…Hamare.Desh me moolroop se do prakar ka chunao hota hai..


              1-General election for the parliament 


              2- Assembly election….


              3-Panchayti aur municipal election  etc. etc.


         Agar loksabha ko hi lelen to poore desh me election conduct karane me Cror nahin Arbon rupaiya kharch kiya jata hai…(2009 ke chunao me Rs. 10,000 cror kharch kiya gaya jabki America me Obama ke presidentship ke chunao me 1.8 billion Doller yani Rs 8,000 crore kharch hua) …..kehte hain ki Bharat me, chunao par kiya janewala kharch ka audit bhi nahin kiya jata hai..????? aur jis District Magistrate ke region me aik chunao bhi ho gaya to uske jeevan ki sari kamai ho jati he.. sach jo bhi ho..par chunao ko conduct karne me govt. ko andhadundh kharch karna parta hai????….Phir candidates bhi….apni seema se adhik kharcha karte hi hain…..?????   


         Nateeja….Dhak ke Teen Pat…Bhrust..Neta…Bhrust  Beaurocrats….Bhrust Sarkar


          Aur JAN TA….DESH…Vikas……?  ?  ?  ?  ?


    Kisko kiski khabar?? Jo sochta hai wah bewakoof…aur.. jo in sab baton ko sochta bhi nahin, wah usse bhee bada bewakoof………Shayad main pehle kism ka admi hoon…Ap jo samajh len…Khair….Sawal yeh hai ki CHUNAO KE IS KHARCH ko kam kaise kiya ja sakta hai ???  Kuchh Sujhao nimnlikhit hain:–


1-     Bharat me loksabha aur vidhansabha ka chunao aik sath agar conduct kiya jaye to 50% expenditure cost ko reduce kiya ja sakta hai….


2-     Mid Term poll kisi bhi surat me nahin hone chahiye..


3-     Three Party system ko desh me lagoo karna chahiye…agar ye Rajya me sambhava na ho to kam se kam Kendra sarkar me hona hi chahiye…


4-     Vote dene ka adhikar aam janta ko na dekar..sirf…upto intermediate passed janta ko hi vote dene ka adhikar milna chahiye….


5-     Constitution of India should be change or amended.


6-     Dr Amartya Sen ki Presidentship me Desh ke manyata prapt Non Political Intellectuals ki aik sabha ka gathan kiya jaye. Aur wah dekhe ki aur kis kis binduon ki zaroorat hai desh ke aam chunao ke kharchon ko kam se kam karne ke liye..? Tat-pashchat uspar behas karakar desh me lagoo kiya jasake.


7-     Udghatan,samarohon par poori tarah se rok lagayee ja sake.


8-     Electronic system of poll ko desh me lagoo kiya jaye taki log ghar par baith kar bhee apna apna vote cast kar saken.


9-     Etc. etc


 

Posted in Politics.


Ameer Khusro

28th Sept. ke Article se aage….

         Ameer Khusro, Hindi/Urdu ke pitamah, woh pehle mahan kavee hain jinhone Hindustani Sangeet ki badee sewa ki hai.  Yad rakhen Ameer khusro hindustani sangeet ki dunya ka woh mahan viyaktitva hai jinka naam…..Mahan sangeetkaron..Swami Hari Das, Miyan Tan sen, Beju Baora, Ram Sahay, Allah diya Kahn,……etc…etc…Se pehle liya jata hai.

        Ameer khusro ka janam San 1253 Isvee me Ganga ke kinare base ek gaon Patyali(etah, U.P) me hua tha. Unhe bachpan se hi Kavita aur Sangeet ka shauq tha. 20 sal ki kam umar me hi unhone ek deewan likh diya tha..Dheere dheere unka yash phelne laga….unhone…Sangeet ki dunya me bhi Tabla, Qawwali, Qaul, Qublana, Tarana, Khayal ke avishkar ke sath sath Rage Yaman etc. etc..Unhi ki dain hai….Unke banaye hui 14 matra ki Tal aur 10 matra ki sole fakhta aj bhi sangeet karon ki pehli pasand hai…

       Ameer khusro Ek sath mahan Sufi sahityakar, Sangeetkar hi nahin the balki woh mahan Historian,Dilli Saltanat ke Badshahon Alluddin Khiljee, Balban aur Tughlaq ka Raj Darbari aur ek mahan senapatee bhi tha. Urdu ke mahan kavee Mirza Ghalib sahab ne kaha ki meri ghazalo ki mithas islye hai ke main Ammer Khusro ke paon ko dhokar peeta hoon…

       Ghalib mere kalam me kyonkar maza naho,

       Pita hoon dhoke khusro shereen dahan ke paon,

   Khusro sufi sampradaye ke mahan Vibhuti Hazrat Nizamuddin Auliya ke chahne wale the unka akhree muqam unhi ki Dargah me hai.. jo sadiyon se Hindu Musalman Aur Rashtra prem ka sandesh deta aa raha hai.. Main Hindi Bhasha ka Premi unhe SALAM kata hai…Unki supasidh kavita hai….Gori sove sej par mukh par dale kes,  Chal khusro ghar aapne ren bhayo chahun desh…

Posted in Blogs.


Ek Ghazal

एक ग़ज़ल करने लगे वो मुझपे करम और ज़्यादा
आँखे मेरी होने लगीं नम और ज़्यादा

फिर दिल ने सजाई हे नई महफ़िले अरमान
किस्मत मे है क्या रंजो अलम और ज़्यादा

तप तप कर मेरी रूह अब तक नहीं निखरी
ए मालिके गम आतिशे गम और ज़्यादा

जितनी नज़र आई हे मुझे दूरी मंज़िल
बढ़ते हैं अब उतने ही कदम और ज़्यादा

गुलशन की ये आज़ाद हवा आई कहाँ से
घटने लगा अब क़ैद मे ड्म और ज़्यादा

सुनकर तेरे अशआर को दिल बोल उठा वली
अल्लाह करे ज़ोरे – कलम और ज़्यादा

Posted in Litrature.


BHASHA GRAMMER SE PEHCHANI JATI HAI

BHASHA GRAMMER SE PEHCHANI JATI HAI

 

            Koi bhi bhasha apne Grammer se jani wa pehchani jati hai, Script ya shabdon se nahin, missal ke taur par –Modern English,aaj aik  International Languages me sabse sashakt bhashaon mese aik mani wa samjhee jati hai parantu us bhasha ke apne shabd matra 9% hi hain , baki 91% shabd doosri bhshaon ke hain jinko English Grammer me pirokar prayog kiya jata hai, aur aaj use sab English words se hi jante – pehchante hai.(Ap praman ke liye Encyclopedia dekh sakte hain). Isee prakar  Roman script me English ke alawa anek bhashayen likhi jatin hain parantu sab English nahin hoti…

           Hindi –Urdu bhasha alag alag sript me likhee jati hai, parantu ye donon apne janam kal se hi aik bhasha hi ke roop me viksit hui hain……Itihas sakshi hai……Dilli Saltanat Kal me HINDI ka JANAM aaj se lagbhag 800 varshon pehle aik sampark bhasha ke roop me hua tha. ….Fauj me badi sankhya me Afghani, Turkee,Arabee-Farsee, Punjabee-Multani, Pahari-Dogree, Braj-Awadhee, Biharee-Bengalee, Uttaree-Daknee adi anek bhashaon  ke bolne wale ek sath milkar dilli ki chhawnnee me rehne lage . Unke apsee sampark se swatah hi aik bilkul nai bhasha ka janam hua jo bad me chalkar Fauji/Lashkar/Hindi/Urdu kehlane lagee.Chunki Dilli ke as pas Braj – Awadhee bhasha ka chalan tha, isliye usee ki grammer me pirokakar is nai bhasha ko bola samjha jane laga. Dheere dheere iska vikas hua.” Ameer Khusro” jaisa mahan kavee, musician aur Sufi sant ka sath mila. Aur dekhte hi dekhte hindi aik sampark bhasha ke roop me shehron, kasbon aur gaon me boli samjhee jane lagee.

            Aaj “Ameer Khusro”ko Hindi ka Pitamah mana jata hai. Unhone Hindi me na sirf kavitaon ki rachna ki he balki uske prachar prasar ke liye bhartiya shastriya sangeet ka sahara lekar anek RAG Ragniyon  aur  musical instruments ka avishkar bhi kiya hai. Vastawa me unhone apnee kavitaon ko sangeet ke madhyam se jan sadharan ki bhasha bana diya. Aaj bhi  gaon me HOLI, Basant aur shadi vivah ke awasar par gaye jane wale…. vastawa me Ameer Khusro ko hi gate hain. Bad me Tulsidas, Rahim Khan Khana, Surdas, Kabeer, Raskhan adi anek kaviyon ne iske prachar prasar me important role ada kiya hai…… Jari….

Posted in Blogs.


Hindi

हिन्दी एक सशक्त भाषा ही नहीं परंतु वो हमारी राष्ट्रभाषा एवं राजभाषा भी है,परंतु आज जिस प्रकार सरकारी कार्यालयों मे सितंबर माह मे हिन्दी दिवस मानने की परंपरा चल रही है वह अपने आप मे एक सवाल बनता जा रहा है? दरअसल हिन्दी के सबसे बड़े दुश्मन हिन्दी भाषी क्षेत्रों मे बसने वाले तथाकथित लोग हैं जो रहते तो भारत मे हैं परंतु उनका दिल इंडिया मे बसता है,वह एक हिन्दुस्तानी की तरह नहीं सोचते बल्कि इंग्लेंड अमेरिका की तरह् सोचते व समझते हैं, उंहें अपनी सभ्यता संस्कृती और अपने पूर्वजों से चिढ़ है,ये एक विकृती है, हमे अपनी सभ्यता व संस्कृती नहीं भूलना चाहिए? विग्यान की उन्नति मे किसी एक का योगदान नहीं होता है. अरब के वैग्यानिको ने मध्यकालीन युग मे काफी उन्नति किया, उससे पहले चीन और भारत के लोग काफी उन्नत थे. भवन निर्माण कला मे मिस्र देश, चीन काग़ज़,और दूसरे आविष्कारों के लिए जाना जाता है कहने का मतलब ये हैकि समय काल उन्नति और पतन ते करती है, आज जिस मुकाम पर विकासशील देश मौजूद हैं उस जगह पर कोई और था, ……..ये भी एक दौर है वह भी एक दौर था……….आज जिस मुकाम पर अंग्रेज़ी है वहाँ संस्कृती, अरबी, और फारसी राज कर चुकी है , प्रत्येक देश अपनी भाषा के आधार पर ही सही मानों मे विकास कर सकता है………..जारी…..

Posted in Litrature.


Samajik vikritiyon se Sawdhan

Samajik vikrityon ko phelane walon se hoshiyar rahen.


 


    Bhartiya sabhyata wa sanskrity atiyant sashakt hone ke bawajood kabhee kabhee woh kuchh aise chakravieu me phans jati hai jisse bahar nikalne ka use rasta samajh me hi nahin ata. Adhunik yug me pashchim ka andhadhund anukaran ne kuchh aisi hi isthiti paida kar diya.hai. Gyan Vigyan aur adhunik taknikee jankari hasil karna kuchh aur bat hai parantu samajik burayion ko bina kisi samajik vichar vimarsh ke use kanooni sanrakshan pradan karna kisi bhi drishti se sahi nahin kaha ja sakta.


      Aj jis tarah Gays &Lisbian logon ke unnatural sexual relationship par kanooni muhar lagayee gayee hai use kisi bhee drishti se theek nahin kaha ja sakta. Usper hindi electronic channels ki bhumika “Yellow Journalism” ki parakashtha hai. Bharat me hazaron important faisle court me barson se pending parhe hain uspar faisla jaldi jaldi hota to weh bharat ke hit me hota. Is par hindi channel apna important samay lagakar samaj ko educate karte to yeh samajh ati ki yeh sach me bhartiya democracy ke chauthe istambh hain. Parantu aisa karne ki bajaey weh vikritiyon ko samaj me phelane ka kam kar rahe hain. Yad rakhen Samaj me vikrityon ko phelane wale yeh soch len ki kabhi weh swayam uske shikar ho jayenge.


 


     Pracheen kal me Khajuraho ki statues ka hawala dene wale socalled intellectuals ko itihas ki jankari hoti to uspar garve  karne ke bajaey sharm atee.Jis kal me use banaya gaya tha us samrajya aur uske vansh ka kya hal hua tha. Bhartiye samaj aur uske dharmik granthon me “ Vasana” ka koi isthan nahin. Natural relationship ishwar ke karya ko sampooranta pradan karte hain jabki unnatural relationship samaj me vikrity utpann karke ishwar ke karya ko nasht kartey hain. Pap aur punya hai kya? Matra paribhasha dekhiye…to pata chalega ki “Jis karya se samaj ko labh hota hai weh punya hai, aur jis karya se samaj me bigarh hota hai weh pap hai.” Ab aap swayam anuman laga saktey hain ki unnatural relationship se samaj me kya hoga.?????


     Pracheen kal me hijrhon ka samajik bahishkar nahin kiya gaya tha, balki samaj me unhen har shubh karya se jorh diya gaya tha. Raja Maharajaon ne unhen antahpur ki sampooran veywastha khas taur par suraksha ki zimmedari unhen saunp rakhee thee.


Nar-nari ke uchit sambandhon ko Vivah se jora parantu unke beech vebhichar ko kisi ne


Uchit nahin mana. Bible aur Quran me Gays ka hasher Hazrat loot (Lot) ke zamane me kya hua tha yeh har Chritian & Muslims ko maloom hai. Aj bhee us jati ke barbad hone ke nishanat Egypt me baki hain.


     Uprokt sainkron udahran itihas wa dharmik granthon me pare huey hain. Samajik Vikrityon ne desh samaj ko barbad hi kiya hai…….isse pehle..ke..hamar…desh…barbad aur tabah hojaey…ham sab ka netik farz hai ke sarkar ko majboor Karen ke weh Gays & Lisbeans ko kanooni sanrakshan pradan karne ke bajai unhen netikta ka path padhaen/ athwa saza den. Main sarkar se appeal karta hoon ke electronic media par Censorship ka sakhtee se implement kiya jaye……Samajik Vikritiyon se desh ko bachaen….

Posted in Social.


Talibani Sarkozy

          Sarkozy  ka halia bayan ki “Burka aurton ki ghulami ki pehchan hai” kisi had tak theek ho sakta hai unke apne mulk ke liye. Parantu yadi unhon ne Prajatantric Desh FRANCE ke President hone ke natey is tarah ka bayan diya hai to uski bharpoor alochna honi chahiye. Aajkal Globlization ka zamana hai. Alochna to hogi……Mujhe unse yeh kehna hai ki Parda Sirf Islam ke mannewale hi nahin karte……bulki Hindu, Christian, Bhuddhist, Zarthrust aur Jewish culture me bhi paya jata hai. Mr. Sarkozi Shayad Christian hain, Unhen yeh zaroor maloom hoga ki church me women sir par scarf  bandh kar jatin hain, Christianity me NUNs hamesha sir dhank kar hi rehtin hain, Mother Tressa jo Christian ki Saint mani jatin hain woh hamesha sari ke anchal se apne sar ko dhank ke rakhtin thi, yahan tak ki mother Marry ki photo par mr. Sarkozy dhyan detey to unhen is tarah burka par bayan dene ki zaroorat hi nahin partee…???? Agar unka vichar Islam ya


Doosre Asians ki sabhyata sanskriti ko chot pahunchane ki hai, jaise pichhle sal unhone sikhon ki dharmik pehchan Pagrhi, kara, etc. par kanooni shikanja kaste huey schools and colleges me janewale sikhon par pabandi lagai thee.,,, to iski bharpoor alochna hogi.


                France Dress Code kya hai mujhe nahin maloom lekin agar unke desh me girls ka Bikni pehanna jaiz ya achha samjha jata hai, ya us tarah ke pehnave ko woh aurton ki azadi samajhte hon to , aisi samajh ko AAA..PPP kya Kahenge????????? 


                France Kranti 18th Century me poori duniya ko prajatantra ki shiksha de raha tha , secularism aur janta ki bhalai ki shiksha de raha tha., aur aajka france ki agar yehi pehchan hai ke doosree sanskrition ko bardasht nahin kar raha hai, to yeh bari hi sharm ki bat hai. Democratic & secular country ka president aisi ghair zimmedarana statements deta ho to use international / national paimane par kya kaha jaye? Talibani sarkozy? Aik zabardasti burka pehnata hai…. to…Doosra zabardustee utarwata hai. Kya sari duniya ki janta Talibani aur Talibani Sarkozy ko maff karegi.????


                 Samay samay par europ aur America me istarah ki harkaten hoti rehtin hai, abhi hal philhal me Europe ke  mulk Geneva me , kisi joote ki famous company ke advertisement ke liye main chaurahe par lagi mahatma Buddha ki statue ko apni company ke jooton ka har pehna diya gaya, lekin kisi Govt. ko kuchh farak nahin para. Ho sakta hai ki Talibani Sarkozy ke is bayan par bhi unke mulk me koi farak na parey parantu kya   Talibaniyon se woh kam gunahgar hain??


Kya istarah ke betuke bayan/harkat ko uchit thehraya ja sakta…hai…????????????


         


 

Posted in Politics.


Balatkar aik asundar satya hai

Balatkar aik asundar satya hai


      Balatkar aik samajik buraee hai , parantu hamare desh me Hindi Electronic Media jis prakar Rap News ko bina kisi censor ke niyam ka palan kiye din bhar dikhata rehta hai, us par sarkari pabandiyan zaroor lagna chahiye. Hamare desh ke dharmik granthon me likha hai  SATYAM SHIVAM SUNDARAM. In mantron ko bolte zaroor hain parantu ham us ke arthon pe vichar vimarsh nahin karte. Iska seedha sa matlab nikalta hai ki Sundar satya hi ishwar hai, aur uska hi prachar prasar hona chahiye. Asunder satya ka nahi. Balatkar ki khabar satya to hai parantu sundar satya nahin. Atah usko high light karne se samasya barhegi. Yeh samsya kanoon ke dwara imandari hi se suljhana chahiye.


              Samast  sansar me..apne apne constitution ke basis par iski saza ka pravdhan zaroor hai, prantu yeh rukta kyon nahin hai.??????? Maine is samajik samasya ko jab ghaur kiya to yeh mehsoos karta hoon ki jitney viksit rashtra  hain vahan yeh samsya bari bhaiyankar halat se guzar rahi hai. Jabki education ka aur women freedomness ka percentage kafi high hai. Europ aur America ki annual reports ap dekh sakte hain. Asea ki halat behtar hai kyonki woh apni Sanskrit aur dharma se zyada kareeb rehta hai. Isi me Hindustan middle east ke doosre desh bhi aate hain. Middle East ke deshon me bahut kara kannon aur uska implementation badi imandari se kiya jata hai, isliye vahan sabse kam balatkar ke cases aate hain. Aur doshiyon ko bharpoor saza bhi miltee hai. Parantu….hamare Bharat me aisee buraiyon ki rok tham ke liye kannoon to hai …lekin… uska imandari se implement nahin hota….result…doshiyon ko kabhee saza hi nahin miltee hai, jiske karan balatkariyon ki sankhya din par din badhtee hi ja rahi hai.Ab to yeh halat hai ki bachhiyan apne mohalle toley me bhi surakshit nahin???


             Aj media specially hindi media T.V akhbaro me Balatkar ki khabron ko bari chatkhara lekar peshkarta hai. Vigyapanon me ashleelta bhari rehtee hai. Filmon me bina kisi karan ke nagnta, ashleelta bhari rehtee hai, hamari suchna prasaran mantralya chupchap ankh band karke sab dekhtee rehtee hai aur apna ghar daulat bhartee rehtee hai.


              Main apne budhijeevion aur sarkar se kehna chahta hoon.  Ki istarah ki buraeeon ko dikhaane se kuchh nahi hoga. Balki kanoon ka palan imandari se karne se hi door hosakta hai.Media Sundar satya ko hi dikhay aur asundar satya se parhez karey aur media iska ullanghan karta ho to use bharpoor saza miley.

Posted in Philosophy.


Tor phor karo aur apni baten manwao

Bharat me koi bhi sahi ya ghalat baten manwani ho to TOR PHOR KAREN AUR APNI BATEN MANWALEN. Is tarah ka treand bilkul ghalat hai. Isse samasya ka samadhan nahin hota bulki bari samsyaon ka pesh khema ban jata hai. Democratic contry me democratic tarike se apni bat zaroor kahiye lekin sarkari sampation ki  tor phor kisi bhi tarah jayez nahi thehrai ja sakti hai. Prantu janta kare kya? Janta peacefully demo. Karti hai to sarkar sunti nahin hai, nateeja tor phor, sarkar phir ghalti karti hai- tor phor karnewalon par kisi prakar ki koi karwai nahin ki jati hai. Bas yeh silsila yunhi chalta rehta hai.


           Mamta ke rail mantralya sambhalte hi Punjab me, phir Bihar ke Khusropur main tor phor aur rail jalane ki ghatna me bhi yehi sab kuchh hona hai.Govt. Properties ka nuksan sahan karte rahiye. Yeh aik kanooni samsya hai jisko sakhti se nipatna hoga.varna har chhutbhaiya neta raste me train ko rok kar , sarkari properties ka nuksan kar, janta/passangers ko pareshan kar apni apni leadery chamkate rahenge, aur state govt. aur central govt. bus dekhti rehjayegi, janta trahi trahi karegi, charon taraf ARAJAKTA ka bolbala hoga.


            Main aisi ghatnaon ko strongly condemn karta hoon. Aur Central or State Govt.se


Appeal karta hoon ki sarkari properties ko nuksan karnewalon par kari se kari karyewai kare. Taki aisi tor phor karne wale bad elements apni harkat se baz ayen.

Posted in Blogs.


Indians apni image sudharen

Indians apni image ko sudharen                                                                                                                          Ham apne desh ko kitna hi mahan kyon na  samajhlen, lekin apne achar vichar se kisi ko prabhavit nahin karke doosron ko kasht pahunchate hain,. ya apka behavior wahan ke kanoon, constitution, conventions ka samman / respect nahin karta hai to apko aik na aik din Mubai-Bihar,Bengal-Bihar-Assam-North-South India…….. , jaise kashton se guzarna hi parega. Samman se jeene ke liye sab ka samman karna parta hai. Australian jis prakar ka arop Indians par lagarahe hain, usse yeh bat to sabit hoti hai ki Indians ne apne behaviors se Australians ko tang/naraz kar rakha hai. Unka yeh ilzam hai ki bhartya gande(Dirty) rehte hain? Kuchh log zaroor aise ho sakte hain, parantu adhikansh Indians …aise nahin ho sakte. Main janta hoon Jau ke Sath ghun bhi pista hai. Phir bhee yeh sawal to zaroor uthta hai ke videsh me jane wale capable Indians ki image aisi bani kaise???????? Yahan to us class ke log baki logon se isi buniyad par nafrat karte hain. Unhen subah sham dalit aur mallaichh kehne se thakte nahin….kahin aisa to nahin ki Australia me jakar India ke rogon ko wahan phailadiya ho?? Recently America me Indians ki lagatar barhti hui hatya


Kuchh aur kahani kehtee hai.? Racial differences ke alawa kahin Indians ki kabliyat se


Dar to nahin????????????????…….?????????.


          Main appeal karta hoon Australian govt. se ki sabhee Indians ko as per Australian constitution, proper protection diya jaye. Indians ko bhee chahiye ki wah aisa koi kam na Karen jisse bhartiyon ki image videsh me dhoomil ho. Ap study ya job karne gayen hain, imandari aur well behavior se Karen, aur India ki bigri image ko sudharne ka kasth karen.                          


          Wish you all the best.

Posted in Blogs.




Copyright © 2014 Rediff.com India Limited. All rights Reserved.  
Terms of Use  |   Disclaimer  |   Feedback  |   Advertise with us